വെസ് വെയില്‍സ് മലയാളി അസോസിയേഷന്റെ രണ്ടാമത് ഓണാഘോഷം ആഗസ്ത് 11 ശനിയാഴ്ച കമാര്‍ത്തന്‍ ബ്രോണ്‍വുഡ് ഹാളില്‍ നടക്കും. 10മണിമുതല്‍ വടംവലി ഉള്‍പ്പെടെയുള്ള കായികമത്സരങ്ങള്‍, 12ന് യുകെയിലെ പ്രശസ്ത ചെണ്ടമേള ട്രൂപ്പായ സ്വിന്‍ഡന്‍ സ്റ്റാര്‍സിന്റെ ചെണ്ടമേളം, 12.30ന് വിഭവസമൃദ്ധമായ ഓണസദ്യ എന്നിവയുണ്ടായിരിക്കും.
തുടര്‍ന്ന് സൈമണ്‍ഹാര്‍ട്ട് എംപിയും, കമാര്‍ത്തന്‍ മേയറും, മുഖ്യാഥിതികളായി പങ്കെടുക്കുന്ന പൊതുസമ്മേളനത്തില്‍ WWMA പ്രസിഡന്റ് ജോര്‍ജ്ജ് വര്‍ക്കി തട്ടാശ്ശേരി അധ്യക്ഷത വഹിക്കും. സെക്രട്ടറി ഷിബു മാത്യു സ്വാഗതവും, ട്രഷറര്‍ഷിബു തോമസ് കൃതജ്ഞതയും അര്‍പ്പിക്കും.
തുടര്‍ന്ന് കേരളത്തനിമയാര്‍ന്ന വിവിധകലാപരിപാടികള്‍ നടക്കും. പരിപാടിയുടെ വിജയത്തിന് ജോസഫ് ഫിലിപ്പിന്റെ നേതൃത്വത്തില്‍ 9അംഗ കമ്മിറ്റി പ്രവര്‍ത്തിച്ചുവരുന്നു. ജോബി, ബ്ലെസ്സി എന്നിവര്‍ അവതാരകരായിരിക്കും. മലയാളത്തെ പിറന്ന മണ്ണിനെ സ്‌നേഹിക്കുന്ന ഏവരെയും ഈ പരിപാടിയിലേക്ക് സ്വാഗതം ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല