ഐ.പി.എല്‍ ടീം രൂപീകരിയ്ക്കാന്‍ കഴിഞ്ഞില്ലെങ്കിലും കൊച്ചി ടീമിന്റെ പ്രമോഷന്‍ ആല്‍ബം തയാറാക്കാനുള്ള ഭാഗ്യം സംവിധായകന്‍ പ്രിയദര്‍ശനെ തേടിയെത്തിയിരിക്കുകയാണ്. ഇതുമായി ബന്ധപ്പെട്ട കരാറില്‍ കൊച്ചി ടീമും പ്രിയദര്‍ശനും ഒപ്പിട്ടകഴിഞ്ഞു.
ചെന്നൈയിലും കൊച്ചിയിലുമായിരിക്കും ആല്‍ബം ചിത്രീകരിക്കുക. അടുത്തമാസത്തിന്റെ തുടക്കത്തില്‍ തന്നെ ആല്‍ബം പുറത്തിറക്കാന്‍ കഴിയുമെന്ന വിശ്വാസത്തിലാണ് ടീം അധികൃതര്‍.
ബോളിവുഡിലെയും മോളിവുഡിലെയും നമ്പര്‍ വണ്‍ സംവിധായകരിലൊരാളായ പ്രിയദര്‍ശന്‍ ഒട്ടേറെ പരസ്യചിത്രങ്ങളുടെ അണിയറയിലും പ്രവര്‍ത്തിച്ചിട്ടുണ്ട്.
നേരത്തെ പ്രിയദര്‍ശനും മോഹന്‍ലാലുമൊരുമിച്ച് ഐ.പി.എല്‍ ടീം രൂപീകരിക്കാന്‍ ശ്രമങ്ങള്‍ നടത്തിയിരുന്നു. ഇത് പരാജയപ്പെട്ടതിനെ തുടര്‍ന്നാണ് റൊന്ദേവു കണ്‍സോര്‍ഷ്യം ടീമുമായി രംഗത്തെത്തിയത്.
.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല