ലണ്ടന്‍ ഒളിംമ്പിക്‌സില്‍ ഇന്ത്യയുടെ കായികതാരങ്ങള്‍ മികച്ച പ്രകടനമാണ് കാഴ്ചവെച്ചതെന്ന് അര്‍ജ്ജുന അവാര്‍ഡ് ജേതാവും ഇന്ത്യയുടെ മൂന്ന് പ്രാവശ്യം ഒളിംമ്പിക്‌സില്‍ പ്രതിനിധീകരിച്ച പത്മശ്രീ ഷൈനി വില്‍സണ്‍ അഭിപ്രായപ്പെട്ടു. ഒഐസിസി സൗത്ത് വെസ്റ്റ് റീജിയന്റെ നേതൃത്വത്തില്‍ എയിംസ് ബറിയില്‍ നടന്നസ്വാതന്ത്ര്യ ദിനാഘോഷങ്ങളുടെ ഉദ്ഘാടനം നിര്‍വഹിച്ചുകൊണ്ട് സംസാരിക്കുകയായിരുന്നു മുന്‍ കായികതാരം.
മെച്ചപ്പെട്ട പരിശീലനവും കഠിനാധ്വാനവും ഉണ്ടെങ്കില്‍ അടുത്ത ഒളിംമ്പിക്‌സില്‍ ഇന്ത്യയ്ക്ക് മെഡല്‍ നേടാനാകുമെന്നും ഷൈനി വില്‍സണ്‍ സൂചിപ്പിച്ചു. ഒരാഴ്ചയ്ക്കിടയില്‍ ഒഐസിസി സംഘടിപ്പിച്ച രണ്ടാമത്തെ പരിപാടിയില്‍ പങ്കെടുക്കുവാന്‍ കഴിഞ്ഞതില്‍ അതിയായ സന്തോഷമുണ്ടെന്നും ചുരുക്കനാളുകള്‍ക്കിടയില്‍ മലയാളികള്‍ക്കിടയില്‍ നിറ സാന്നിധ്യമായി മാറിയ ഒഐസിസിയുടെ പ്രവര്‍ത്തനങ്ങളും നേരുന്നുവെന്നും അവര്‍ കൂട്ടിച്ചേര്‍ത്തു. അര്‍ജ്ജുന അവാര്‍ഡ് ജേതാവും മുന്‍ നീന്തല്‍താരവുമായ വില്‍സണും വേദിയില്‍ സന്നിഹിതനായിരുന്നു.
കഴിഞ്ഞ ദിവസം ഒഐസിസിയുടെ ആഭിമുഖ്യത്തില്‍ ക്രോയിഡോണില്‍ നടന്ന ഒളിംമ്പിക് താരങ്ങളുടെ സ്വീകരണ പരിപാടിയില്‍ കേരള സംസ്ഥാന സ്‌പോര്‍ട്‌സ് വകുപ്പ് മന്ത്രി കെബി ഗണേഷ്‌കുമാര്‍, സ്‌പോര്‍ട്‌സ് സെക്രട്ടറി ശിവശങ്കര്‍ ഐപിഎസ്, സ്‌പോര്‍ട്‌സ് കൗണ്‍സില്‍ പ്രസിഡന്റ് പത്മിനി തോമസ്, പിടി ഉഷ, ഷൈനിവില്‍സണ്‍, ഇര്‍ഫാന്‍, മയൂഖ ജോണ്‍… എന്നിവര്‍ പങ്കെടുത്തിരുന്നു. ഒളിംമ്പിക്‌സില്‍ ശ്രദ്ധേയമായ പ്രകടനം കാഴ്ചവെച്ച ഇര്‍ഫാനെയും മയൂഖ ജോണിനെയും കേരളം സര്‍ക്കാര്‍ ഏറ്റെടുക്കുമെന്ന് മന്ത്രി ചടങ്ങില്‍ പ്രഖ്യാപിച്ചിരുന്നു.
എയിംസ്ബറിയില്‍ നടന്ന സ്വാസന്ത്ര്യ ദിനാഘോഷങ്ങള്‍ക്ക് ഒഐസിസി ദേശീയ അംഗം ബിബിന്‍ കുഴുവേലില്‍ അധ്യക്ഷത വഹിച്ചു. മുതിര്‍ന്ന കോണ്‍ഗ്രസ് നേതാവും ദേശീയ ഭാരവാഹിയുമായ കെകെ മോഹന്‍ ദാസ് നൂതന ഇന്ത്യയുടെ കാഴ്ച്ചപ്പാടുകള്‍ എന്ന വിഷയത്തില്‍ മുഖ്യപ്രഭാഷണം നടത്തി. ത്യാഗോജ്ജ്വല പോരാട്ടത്തിലൂടെ ഭാരതത്തിന് സ്വാതന്ത്ര്യം നേടിത്തന്ന ധീര ദേശാഭിമാനികളെ സ്മരിക്കുന്നതിനൊപ്പം സ്വാതന്ത്ര്യ ലബ്ദിയുലൂടെ നമ്മുടെ നാടിന് നേടിയെടുക്കാന്‍ കഴിഞ്ഞ നിരവധിനേട്ടങ്ങള്‍ ഉര്‍ത്തിപ്പിടിച്ചുകൊണ്ട് വിവരസാങ്കേതിക വിദ്യയുടെ വ്യാപനത്തിനും രാജ്യത്തിന്റെ അടിസ്ഥാന സൗകര്യങ്ങള്‍ മെച്ചപ്പെടുത്താനും ഇനിയും ബഹുദൂരം മുന്നോട്ട് പോകേണ്ടതുണ്ടെന്ന് അദ്ദേഹം സൂചിപ്പിച്ചു.
ഒഐസിസി ദേശീയ ഭാരവാഹി ഷിബു ഫെര്‍ണാണ്ടസ്, സൗത്ത് വെസ്റ്റ് റീജയണില്‍ ഒഐസിസിയുടെ പ്രവര്‍ത്തനം താഴ്ത്തട്ടിലേക്ക് വ്യാപിപ്പിക്കുവാനും ശക്തമാക്കുവാനും യോഗത്തിന് ആശംസകളര്‍പ്പിച്ചുകൊണ്ട് ആഹ്വാനം ചെയ്തു. വാഴപ്പള്ളി മുന്‍പഞ്ചായത്ത് പ്രസിഡന്റ് ബിനോ ഫിലിപ്പ്, ബിജു കല്ലമ്പലം, ജിനിന്‍ ലൂക്കോസ്, സാബു വര്‍ഗീസ്… തുടങ്ങിയവര്‍ ആശംസകളര്‍പ്പിച്ചു സംസാരിച്ചു.
ഗാന്ധിയന്‍ ദര്‍ശനങ്ങള്‍ ഉയര്‍ത്തിപ്പിടിച്ചുകൊണ്ട് പുതിയഭാരതത്തിന്റെ വിജയകരമായ മുന്നേറ്റത്തിന് ഓരോ പ്രവാസിയും സ്വയം പങ്കാളിയാകണമെന്ന് സൂചിപ്പിച്ചുകൊണ്ട് സുജ. കെ.ഡാനിയേല്‍ സ്വാതന്ത്ര്യദിന സന്ദേശം നല്‍കി. സുനില്‍ രവീന്ദ്രന്‍, ഷൈനി വില്‍സണെയും, ബന്നി മേമന വില്‍സനെയും പൊന്നാടയണിച്ചു.
വില്‍ക്‌ഷെയര്‍ കൗണ്ടി ജന.സെക്രട്ടറി മാനുവല്‍ കെ ജോസ് സ്വാഗതം ആശംസിക്കുകയും ജോയ സെക്രട്ടറി ജോര്‍ജ്ജ് ജോസഫ് നന്ദു രേഖപ്പെടുത്തുകയും ചെയ്തു. ബേബിക്കുട്ടി, ബൈജു തുടങ്ങിയവര്‍ പരിപാടിക്ക് നേതൃത്വം നല്‍കി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല