സിജു സ്റ്റീഫന്‍
യുകെയിലെ ചെണ്ടമേള ഗ്രൂപ്പായ നോട്ടിങ്ങ്ഹാം ബോയ്‌സ് കേരളത്തിന്റെ തനതായ തനതായ കലാരൂപം യുകെയില്‍ അവതരിപ്പിച്ചിട്ട് നാല് വര്‍ഷം പിന്നിട്ടു. 2008 ഓഗസ്ത് 1ാം തീയതി ഫാ. മാതംജോര്‍ജ്ജ് വണ്ടാലക്കുന്നേലും, മുന്‍ ഉഴവൂര്‍ കോളജ് പ്രിന്‍സിപ്പലുമായിരുന്ന ഫാ. ലൂക്ക് പുതിയകുന്നേല്‍(സെന്റ് സ്റ്റീഫന്‍ കോളജ്), എന്നിവര്‍ ചേര്‍ന്ന് നോട്ടിങ്ങ്ഹാമിലെ അല്‍ഫോന്‍സാമ്മയുടെ തിരുനാളിനോടനുബന്ധിച്ച് ഉദ്ഘാടനം നടത്തിയ നോട്ടിങ്ങ്ഹാം ബോയ്‌സ്, ചെണ്ടമേളത്തെ കൂടാതെ താരങ്ങളില്ലാത്ത താരമേളം, ഓള്‍ യുകെ വടംവലി മത്സരം എന്നിവ നടത്തുകയും കഴിഞ്ഞ വര്‍ഷം ചാരിറ്റി ലക്കി ഡ്രോ നടക്കി മുപ്പതിനായിരം രൂപ കണ്ണൂരില്‍ ശ്രീകണ്ടപുരത്തുള്ള ആകാശപ്പറവകള്‍ എന്ന അനാഥാലയത്തിന് കൈമാറുകയും ചെയ്തു.
കഴിഞ്ഞ നാല് വര്‍ഷത്തിനിടയില്‍ യുകെയില്‍ ചെറുതും വലുതുമായ നിരവധി സ്റ്റേജുകളില്‍ ചെണ്ടമേളം അവതരിപ്പിച്ച് മലയാളി സമൂഹത്തില്‍ നിന്ന് വളരെയധികം പ്രോത്സാഹനം ലഭിക്കുകയുണ്ടായി. കഴിഞ്ഞ മാസം ഒരു ഇംഗ്ലീഷ് വെഡ്ഡിംഗില്‍ ചെണ്ടമേളം അവതരിപ്പിക്കുകയും ഇംഗ്ലീഷുകാരുടെ ഇടയില്‍ നിന്നും വളരെയധികം കൈയടികളും പ്രോത്സാഹനം ലഭിക്കുകയുമുണ്ടായി
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല