നിഷ ജോസ്‌
ലിവര്‍പൂളിലെ പ്രഥമ മലയാളി അസോസിയേഷനായ ലിമയുടെ പന്ത്രണ്ടാമത് ഓണക്കാഴ്ച ഓണത്തപ്പ കുടവയറാ സെപ്തംബര്‍ ഒന്നാം തീയതി ശനിയാഴ്ച രാവിലെ പതിനൊന്നു മണി മുതല്‍ നോസ്ലി ലീഷര്‍ പാര്‍ക്കില്‍ വെച്ച് നടത്തും. സമത്വത്തിന്റെയും, സമൃദ്ധിയുടെയും ശതകാല സ്മരണകളെ തൊട്ടുണര്‍ത്തി പൊന്നോണക്കാഴ്ചയുടെ നിറവസന്തമൊരുക്കുന്ന ലിമയുടെ ഓണാഘോഷ മഹോത്സവത്തിലേക്ക് ഏവര്‍ക്കും സ്വാഗതം.
ഇംഗ്ലണ്ടിലെയും, കേരളത്തിലെയും സാമൂഹിക, സാംസ്‌കാരിക നേതാക്കള്‍ സന്നിഹിതരാകുന്ന വര്‍ണശബളമായ ചടങ്ങില്‍ ലിമ പൊന്നോണത്തിന് തിരി തെളിയും. അതിനൂതനമായ സാങ്കേരിത വിദ്യ സമന്വയിപ്പിച്ചവതരിപ്പിക്കുന്ന ലിമ അവതരണഗാനം ദൃശ്യവിസ്മയങ്ങളുടെ പൊന്നോണം കാണികള്‍ക്ക് സമ്മാനിക്കും. ലിവര്‍പൂളിന്റെ നിറ വസന്തമായ കലാകാരന്‍ ജോയ് ആഗസ്തി അവതരിപ്പിക്കുന്ന ചാക്യാര്‍കൂത്ത് മാവേലിനാട് ഒരു പതിറ്റാണ്ട് പിന്നിട്ട ലിവര്‍പൂള്‍ മലയാളികളുടെ പ്രവാസ ജീവിതത്തിന്റെ ഇന്നിന്റെ നാട് ഏട് തുറന്നു കാട്ടുന്നതോടൊപ്പം നടന ചാതുരിയിലൂടെ സമകാലിക സംഭവങ്ങളെ അതിമനോഹരമായി കോര്‍ത്തിണക്കി വേറിട്ട കാഴ്ചകളുടെ ഒരു പൂക്കാലം തന്നെ നമുക്ക് നല്‍കും.
ലിമ യുവയും, കിഡ്‌സ് ക്ലബും ചേര്‍ന്നൊരുക്കുന്ന അതിഹൃദ്യമായ നൃത്തനൃത്യങ്ങല്‍, തിരുവാതിര, ശിങ്കാരിമേളം, മാവേലി മന്നന് വരവേല്‍പ്പ്, നാടന്‍ കലാരൂപങ്ങള്‍, ലിവര്‍പൂള്‍ കോക്കനട്ട് ക്രൂസ് അവതരിപ്പിക്കുന്ന നോണ്‍ സ്‌റ്റോപ്പ് കോമഡി കോക്കനട്ട് ഷോ എന്നിവയുള്‍പ്പെടെ ഒരു വമ്പന്‍ കലാവിരുന്നാണ് ലിമ ഒരുക്കിയിരിക്കുത്. വിഭവസമൃദ്ധമായ ഓണസദ്യയും ഒരുക്കിയിട്ടുണ്ട്.
ലണ്ടന്‍ ഒളിംമ്പിക്‌സ് ക്ലോസിംഗ് സെറിമണിയില്‍ ലിവര്‍പൂളിനെ പ്രതിനിധീകരിച്ച് പങ്കെടുത്ത ഗായിക അലീന ജോജോയ്ക്ക് ലിമ അച്ചീവ്‌മെന്റ് അവാര്‍ഡ് നല്‍കി ആദരിക്കും. ജിജിഎസ്‌സി പരീക്ഷയില്‍ ഉന്നതവിജയം നേടി കരസ്ഥമാക്കിയവര്‍ക്കും ലിമ അച്ചാവ്‌മെന്റ് അവാര്‍ഡുകള്‍ നല്‍കും.
കാണികള്‍ക്കായി ഫ്രീപാര്‍ക്കിംഗ് സൗകര്യമുള്‍പ്പെടെ അതിവിപുലമായ സൗകര്യങ്ങളാണ് സംഘാടകര്‍ ഒരുക്കിയിരിക്കുന്നത്.
കൂടുതല്‍ വിവരങ്ങള്‍ക്കും, ടിക്കറ്റിനുമായി സംഘാടകരുമായി ബന്ധപ്പെടുക.
സെബാസ്റ്റ്യന്‍ ജോസഫ്- 07788254892
ദിനൂപ് ജോര്‍ജ്ജ്- 07917222646
ഹരികുമാര്‍ ഗോപാലന്‍- 07963387035
ജിനോയ് തോമസ്- 07985118737
മെലീസ ഇമ്മാനുവല്‍- 07737131024
ജോയി അഗസ്തി- 07979188391
വിലാസം-
KNOWSLEY LEISURE PARK,
LONG VIEW DRIVE,
L36 6EG
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല