ജോമോന്‍ ജേക്കബ്
കവന്‍ട്രി: കവന്‍ട്രി കേരള കമ്മ്യൂണിറ്റിയുടെ 9 ആം ഓണ മഹോത്സവത്തിന് ഇന്നലെ കവന്‍ട്രി ബെല്ഗ്രീനിലുള്ള മോട്ട് ഹൗസ് ലെസ്സര്‍ സെന്ററില്‍ തിരി തെളിഞ്ഞു. കായികമാത്സരങ്ങളുടെ ഉദ്ഘാടനം സി കെ സി സെക്രട്ടറി ജോമോന്‍ ജേക്കബ് വല്ലൂരിനു കമ്മിറ്റിയംഗം ബിനോയി മൈക്കില്‍ ഷട്ടില്‍ പാസ് ചെയ്ത്‌നിര്‍വ്വഹിച്ചു. മൂന്നാഴ്ച നീണ്ടു നില്‍ക്കുന്ന ഓണമാഹോത്സവത്തില്‍ എല്ലാ പ്രായത്തിലുമുള്ള പുരുഷന്മാര്‍ക്കും സ്ത്രീകള്‍ക്കും മത്സരിക്കാനും മാറ്റുരക്കനുമുള്ള അവസരം ഒരുക്കിയിട്ടുണ്ടെന്ന് വൈസ് പ്രസിഡന്റ് താജ് തോമസ് ഉദ്ഘാടന പ്രസംഗത്തില്‍ അറിയിച്ചു.
ഷട്ടില്‍ ടൂര്‍ണമെന്റ്, വോളിബോള്‍, ബാസ്‌കറ്റ്‌ബോള്‍, ഫുട്‌ബോള്‍ എന്നീ മത്സരങ്ങള്‍ 15 , 16 , 17, 18 , തിയതികളില്‍ നടത്തി അവയുടെ ഫൈനല്‍ മത്സരങ്ങളും കുട്ടികള്‍ക്കും വനിതകള്‍ക്കും മറ്റുമുള്ള എല്ലാ കായിക മത്സരങ്ങളും 19 ആം തിയതി ഞായറാഴ്ച രാവിലെ 8 മണി മുതല്‍ ആരംഭിക്കുന്ന സ്‌പോര്‍ട്‌സ് ഡേയില്‍ വച്ച് നടത്തപ്പെടുന്നതും ആണെന്ന് സ്‌പോര്‍ട്‌സ് ഡേയുടെ ചുമതലയുള്ള കമ്മിറ്റി അംഗം ലിയോ ഇമ്മാനുവേല്‍ അറിയിച്ചു. തട്ടുകടയുടെ രുചി നുകരുവനും കായിക മത്സരങ്ങളില്‍ പങ്കെടുക്കുവാനും കവന്‍ട്രിയിലെ എല്ലാ മലയാളി സുഹൃത്തുക്കളെയും സ്വാഗതം ചെയ്യുന്നുവെന്ന് പ്രസിഡന്റ് എബ്രഹാം കുര്യന്‍ പറഞ്ഞു.
ഓണാഘോഷത്തിന്റെ ഭാഗമായി നടത്തപ്പെടുന്ന സി കെ സി ചീട്ടുകളി മത്സരം ഓഗസ്റ്റ് 26 ഞായറാഴ്ച ഉച്ച കഴിഞ്ഞു 2 മണി മുതല്‍ 6 മണി വരെ വാല്‍സ്‌ഗ്രെവിലുള്ള സെന്റ് മേരീസ് ഹാളില്‍ നടക്കും. വാശിയേറിയ ചീട്ടുകളി മത്സരത്തിന്റെ എല്ലാ ഒരുക്കങ്ങളും പൂര്‍ത്തിയായതായി കോര്‍ഡിനേറ്റര്‍ കൂടിയായ സെക്രട്ടറി ജോമോന്‍ ജേക്കബ് പത്രക്കുറിപ്പില്‍ പറഞ്ഞു.
വാല്‍സ്‌ഗ്രെവ് വുട്വേലെയിനിലുള്ള വര്‍കിംഗ് മെന്‍സ് ക്ല്ബ് ഹാളില്‍ നടക്കുന്ന ഓണാഘോഷ പരിപാടികള്‍ വാശിയേറിയ വടംവലി മത്സരത്തോടെ രാവിലെ 10 മണിക്ക് തന്നെ ആരംഭിക്കും. പുരുഷന്മാരുടെയും സ്ത്രീകളുടെയും മത്സര വടംവലി ഈവര്‍ഷം പോട്ടെര്‍സ്ഗ്രീന്‍, വാല്‍സ്‌ഗ്രെവ്, ഡോര്‍ചെസ്ട്ട്ര് വെ, സ്‌ടോക്, ഹോല്‍ബ്രൂക്‌സ് എന്നീ ഏരിയകളില്‍ നിന്നുമുള്ള മാത്സരാര്‍ത്ഥികള്‍ മാറ്റുരക്കും.
ഓണസദ്യയും കലാവിരുന്നും പ്രവാസികളായ കവന്‍ട്രി മലയാളികള്‍ക്ക് വേറിട്ടൊരു കേരള അനുഭവം തന്നെയാകും. മലയാളികള്‍ക്ക് പൈതൃകമായി ലഭിച്ച നമ്മുടെ പാരമ്പര്യവും സംസ്‌കാരവും തലമുറകളിലേക്ക് പകര്‍ന്നു നല്‍കുവാനുള്ള ഈ അവസരത്തില്‍ നാനാജാതി മതസ്ഥരായ എല്ലാ കവന്‍ട്രി മലയാളികളും ഒത്തുചെരണമെന്ന് സെക്രട്ടറി ജോമോന്‍ അഭ്യര്‍ഥിച്ചു.
സി കെ സി സ്‌പോര്‍ട്‌സ് ഡേ നടക്കുന്ന സ്ഥലത്തിന്റെ അഡ്രസ്:
മോട്ട് ഹൌസ് ലെഷര്‍ സെന്റര്‍
ബെല്ഗ്രീന്‍
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല