സാബു കാലടി
ബെഡ്ഫോര്‍ഡ്: ‘പൊന്നോണം 2012 -‘ എന്ന പേരില്‍ മാവേലി തമ്പുരാനെ വരവേല്‍ക്കാന്‍ ബെഡ്‌ഫോര്‍ഡ്‌ഷെയറിലെ ഏറ്റവും വലിയ മലയാളി സംഘടനയായ BMKA ഒരുങ്ങി. സെപ്റ്റംബര്‍ എട്ടിന് രാവിലെ തുടങ്ങുന്ന ഓണാഘോഷള്‍ രാത്രി 12 വരെ നീണ്ടു നില്‍ക്കും. സട്ടുവേര്ട്ടു ബിയു വില്ലേജ് ഹാളിലാണ് പരിപാടികള്‍.
പൂക്കള മത്സരങ്ങളും യി ആരംഭിക്കുന്ന ഓണാഘോഷ പരിപാടിയില്‍ ഓണ സദ്യയ്ക്കായി മുപ്പതില്‍പ്പരം വിഭവങ്ങള്‍ ആണ് ഒരുക്കിയിരിക്കുന്നത്. ഓണസദ്യയ്ക്ക് ശേഷം കലാപരിപാടികള്‍ തുടങ്ങും. വൈകുന്നേരത്തെ ലഘുഭക്ഷണത്തിന് ശേഷം സമ്മാനങ്ങള്‍ വിതരണം ചെയ്യും. ഇത്തവണ വടംവലിയും ചെണ്ടമേളത്തിന്റെ അകമ്പടിയോടെ മാവേലി തമ്പുരാന്റെ രംഗപ്രവേശവും തനതായ രീതിയില്‍ ആണ് ക്രമീകരിച്ചിരിക്കുന്നത്.
ഓണാഘോഷത്തിനു മുന്നോടിയായുള്ള കായിക മത്സരങ്ങള്‍ ആഗസ്റ്റ്‌ 26 ന് കെംസ്റ്റന്‍ സ്പ്രിംഗ് ഫീല്‍ഡ് സ്കൂള്‍ ഗ്രൗണ്ടില്‍ വച്ച് നടക്കുമെന്ന് പ്രസിഡണ്ട്‌ ജേക്കബും സെക്രട്ടറി രാംദാസും അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല