ടെറന്‍സ് മൈക്കിള്‍
പൊന്നിന്‍ ചിങ്ങ മാസത്തിലെ തിരുവോണ നാളില്‍ കേരള ക്ലബ് നനീറ്റന്‍ ഈ വര്‍ഷത്തെ ഓണം ഭംഗിയായി ആഘോഷിക്കുന്നു. രാവിലെ പത്തു മണിക്ക് നനീറ്റനിലെ വിവിധ യൂണിറ്റ് തിരിച്ചുള്ള അത്തപ്പൂക്കള മത്സരത്തോടെ പരിപാടികള്‍ക്ക് തുടക്കമാകും. ഏറ്റവും നല്ല പൂക്കളത്തിനു മാതാ കേറ്ററേഴ്സ് നല്‍കുന്ന 101 പൌണ്ടും ട്രോഫിയും നല്‍കുന്നതാണ്.
ഓണത്തിന്‍റെ പ്രധാന മത്സരങ്ങളായ കലം തല്ലിപ്പൊട്ടിക്കല്‍, റൊട്ടി കടി, തലപ്പന്തുകളി നാട്ടിലെ പോലെ തന്നെ പുതു തലമുറയ്ക്കും ഓണത്തെക്കുറിച്ച്‌ കൂടുതല്‍ അറിയാന്‍ അന്നേ ദിവസം അരങ്ങേറും. മാവേലി മന്നന്‍ അന്ന് നനീറ്റന്‍ സന്ദര്‍ശിക്കുന്നതാണ്.
പെണ്‍കുട്ടികളോടൊപ്പം പുരുഷന്മാരും തിരിവാതിരകളിക്ക് ഇറങ്ങുനതാണ്. മാവേലി മന്നന്‍ യു. കെയിലും എന്ന കോമഡി സ്കിറ്റ്. 21 കൂടം കറികളോടു കൂടിയ വിഭവ സമൃദ്ധമായ ഓണസദ്യ തൂശനിലയില്‍ വിളമ്പുന്നതോടെ പരിപാടികള്‍ക്ക് പരിസമാപ്തിയാകും .
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല