കേംബ്രിഡ്ജ്: ആലാപനത്തിന്റെ മാസ്മരിക നിമിഷങ്ങള്‍ സമ്മാനിച്ച് യുകെയിലെ ഗായകര്‍ ഒത്തു ചേര്‍ന്ന രാഗോത്സവം- 2012 വര്‍ണാഭമായി. കലാകുടുംബത്തിന്റെ ഭാഗമായിരുന്ന ഡോ. ജയചന്ദ്രന് യാത്രയയപ്പ് നല്‍കുന്നതിനായാണ് യുകെ യുടെ വിവിധ ഭാഗങ്ങളില്‍ നിന്നായി 25-ഓളം ഗായകര്‍ ഒത്തു ചേര്‍ന്നത്.
കേംബ്രിഡ്ജ് മെഡ്വേ സെന്ററില്‍ ഒരു ദിവസം മുഴുവന്‍ നീണ്ടുനിന്ന ഗായകസംഗമം ആലാപനത്തിന്റെ മാസ്മരിക പ്രപഞ്ചം തീര്‍ത്തു. മലയാളം, ഹിന്ദി, തമിഴ്, ഗാനങ്ങള്‍ മൂന്നു റൌണ്ടുകളിലായി ഗായകര്‍ ആലപിച്ചു. മെലഡി, ഡ്യൂയറ്റ്, ഫാസ്റ്റ് സോങ്സ് എന്നീ റൌണ്ടുകളിലായി ഗായകര്‍ ഗാനങ്ങള്‍ ആലപിച്ചു.
ഡോ. ജയചന്ദ്രന്റെ സ്വാഗത പ്രസംഗത്തോടെയാണ് പരിപാടികള്‍ ആരംഭിച്ചത്. ദിലീപ് കുമാര്‍ ലെസ്റ്റര്‍ യുകെയിലെ ഗായകരെ പ്രതിനിധീകരിച്ച് ഡോ. ജയചന്ദ്രന് ഉപഹാരം നല്‍കി. സുരേഷ് സാഗ കേംബ്രിഡ്ജ് നന്ദി രേഖപ്പെടുത്തി. പുതിയ പ്രൊജക്ടുമായി ഈ മാസം 30 ന് ഡോ. ജയചന്ദ്രനനും കുടുംബവും നാട്ടിലേക്ക് മടങ്ങും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല