അപ്പച്ചന്‍ കണ്ണഞ്ചിറ
ഓണത്തപ്പനെ വരവേല്‍ക്കാനായി ബോണ്‍മൗത്ത്‌ മലയാളികള്‍ ഒരുങ്ങിക്കഴിഞ്ഞു. സെന്റ്‌ ലൂക്കോസ്‌ ചര്‍ച്ച്‌ ഹാളില്‍ സെപ്റ്റംബര്‍ 2ന്‌ രാവിലെ പത്ത്‌ മണിമുതല്‍ ആഘോഷപരിപാടികള്‍ക്ക്‌ തുടക്കമിടും. വൈകുന്നേരം അഞ്ച്‌ മണി വരെ നീളുന്ന ഓണാഘോഷത്തില്‍ വൈവിധ്യങ്ങളായ കലാ കായിക ഇനങ്ങള്‍ ഉണ്‌ടാകുമെന്ന്‌ സംഘാടകര്‍ അറിയിച്ചു.
രാവിലെ തുടങ്ങുന്ന ആഘോഷത്തില്‍ മാവേലിയുടെ പ്രത്യേക ഓണ സന്ദേശവും ഉച്ചക്ക്‌ സ്വാദിഷ്ടമായ ഓണസദ്യയും സംഘാടകര്‍ ഒരുക്കിയിട്ടുണ്‌ട്‌. കുട്ടികളും മുതിര്‍ന്നവരും ഒരുക്കൂന്ന പൂക്കളവും ആഘോഷത്തിന്‌ മാറ്റ്‌ കൂട്ടൂം. പുരുഷന്മാരുടെയും സ്ത്രീകളുടെയും കുട്ടികളൂടെയും വടംവലി മത്സരങ്ങള്‍ ആഘോഷത്തിന്‌ ആവേശം പകരും.
ഓണാഘോഷത്തില്‍ പങ്കെടുക്കാന്‍ താല്പര്യമുള്ള ബോണ്‍മൗത്തിലും പരിസര പ്രദേശങ്ങളിലും താമസിക്കുന്ന മലയാളികള്‍ സംഘാടകരുമായി ബന്ധപ്പെടണമെന്ന് അഭ്യര്‍ഥിച്ചു.
Venue:
ST.LUKES CHURCH HALL,ST.LUKES ROAD, WINTON,BH3 7LR
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല