കേരള അസോസിയേഷന്‍ സ്റ്റാഫോര്‍ഡിന്റെ ഓണാഘോഷം സെപ്റ്റംബര്‍ എട്ടിന് ശനിയാഴ്ച സ്റ്റാഫോര്‍ഡ് ലിറ്റില്‍ വര്‍ത്ത് കമ്മ്യൂണിറ്റി സെന്ററില്‍ നടക്കും. രാവിലെ എട്ട് മണി മുതല്‍ വൈകിട്ട് ആറര വരെയാണ് ആഘോഷങ്ങള്‍ നടക്കുന്നത്.
രാവിലെ എട്ടിന് അത്തപ്പൂക്കളം. എട്ടര മുതല്‍ ഇന്‍ഡോര്‍ ഗെയിംസ്. 11.30ന് മാവേലിയേയും വിശിഷ്ട അതിഥികളേയും മുത്തുക്കുടയുടേയും ചെണ്ടമേളത്തിന്റേയും അകമ്പടിയോടെ സ്വീകരിക്കല്‍. 12 മണിക്ക് ഓണാഘോഷം ഉത്ഘാടനം. അതിന് ശേഷം വിഭവ സമൃദ്ധമായ ഓണസദ്യ. രണ്ട് മണി മുതല്‍ കലാപരിപാടികള്‍. ഓണപ്പാട്ട്, കുട്ടികളുടെ ഡാന്‍സ്, തിരുവാതിര കളി, കോല്‍കളി, നാടന്‍പാട്ട്, ഫാന്‍സിഡ്രസ്സ് മത്സരം, വടംവലി, സ്‌പോര്‍ട്ട്‌സ് മത്സരങ്ങളുടെ സമ്മാനദാനം എന്നിവ ഉണ്ടായിരിക്കും. ജാതിമതഭേദമെന്യേ എല്ലാവരേയും ഓണാഘോഷ പരിപാടിയിലേക്ക് സ്വാഗതം ചെയ്യുന്നതായി സംഘാടകര്‍ പത്രക്കുറിപ്പില്‍ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല