അപ്പച്ചന്‍ കണ്ണഞ്ചിറ
യോര്‍ക്ക്‌ ഷയറിലെ ലീഡ്‌സില്‍ മാര്‍ത്തോമ്മാ കത്തോലിക്കരുടെ കൂട്ടായ്മ്മയായ സെന്റ്‌ തോമസ്‌ കാത്തലിക്ക് ഫോറം ഗംഭീര ഓണാഘോഷവും, കുടുംബ സംഗമവും നടത്തി. പാരീഷ് ഹാളില്‍ ചേര്‍ന്ന ആഘോഷത്തില്‍ പ്രീതി, ജിജി ജേക്കബ്‌, ബിന്‍സി എന്നിവര്‍ ചേര്‍ന്ന് ആലപിച്ച ഈശ്വര പ്രാര്‍ത്ഥനാ ഗാനത്തോടെ ആഘോഷത്തിന് ആത്മീയ ദീപ്തിയില്‍ തുടക്കമായി.
മനോജ്‌ ലീഡ്സ്, ജോബി, ബിജു ജോസഫ് എന്നിവര്‍ ചേര്‍ന്ന് നിലവിളക്ക് കൊളുത്തി പരിപാടികള്‍ക്ക് നാന്ദി കുറിച്ചു. പ്രസിഡന്റ്‌ ജേക്കബ്‌ കുയിലാടന്‍ ഓണാശംശകള്‍ നേര്‍ന്നു സംസാരിച്ചു. അഡ്വ.ജിജി പാടിയ ഓണപ്പാട്ട് ഏറെ ഹൃദ്ധ്യമായി. തുടര്‍ന്ന് കുട്ടികള്‍ക്കും, മുതിര്‍ന്നവര്‍ക്കുമായി നടത്തിയ വിവിധ ഓണ മത്സരങ്ങള്‍ ആഘോഷത്തിന് ആവേശം വിതറി. മാര്‍ട്ടിന്‍, ബിജു ജോബി ബാബു എന്നിവര്‍ വിവിധ മത്സരങ്ങളില്‍ വിജയികളായി. ആഘോഷ പരിപാടികള്‍ക്ക് ബാബു അവതാരകനായിരുന്നു .
ഓരോ അംഗങ്ങളും വീട്ടില്‍ പാകം ചെയ്തു കൊണ്ടുവന്ന സ്വാധിഷ്ടമായ ഓണ വിഭവങ്ങള്‍ തൂശനിലയില്‍ വിളമ്പിയാണ് ഓണ സദ്യ ഒരുക്കിയത് . ഒന്നിച്ചിരുന്നു കഴിച്ച ഏറെ രുചികരമായ ഓണ സദ്യ ആഘോഷ-സംഗമത്തിലെ മുഖ്യ ആകര്‍ഷക ഇനമായി. ഫാ ആന്റണി ജാക്സന്‍ കാത്തലിക്ക് ഫോം കുടുംബാന്ഗങ്ങലോടൊപ്പം ഒന്നിച്ചിരുന്നു ഭക്ഷണം കഴിക്കുവാനും വിളമ്പാനും സജീവമായി ആഘോഷത്തിന്റെ മുഴുവന്‍ സമയവും ഉണ്ടായിരുന്നത് ഏവര്‍ക്കും ഏവര്‍ക്കും ആവേശം വിതറി .ലീഡ്സ് കാത്തലിക്ക് ഫോറത്തിന്റെ ഗംഭീര ഓണാഘോഷം ഹൃദയ സ്പര്ശമാക്കിയ എല്ലാവര്‍ക്കും സെക്രട്ടറി മനോജ്‌ ലീഡ്സ് നന്ദി പ്രകാശിപ്പിച്ചു.
വിജയികള്‍ക്കുള്ള സമ്മാന ധാനത്തിനു ശേഷം ഓണാഘോഷത്തിനു തിരശ്ശീല താണു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല