വീണ്ടും പ്രവാസികളുടെ ക്ഷമ പരീക്ഷിച്ച് എയർ ഇന്ത്യയും എക്സ്പ്രസും; സർവീസുകൾ കൂട്ടത്തോടെ റദ്ദാക്കി

സ്വന്തം ലേഖകൻ: വേനലവധിക്ക് നാടണയാൻ കാെതിക്കുന്ന പ്രവാസി കുടുംബങ്ങൾക്കും മടങ്ങിയെത്തുന്നവർക്കും തീരാദുരിതമായി എയർ ഇന്ത്യ, എയർ ഇന്ത്യാ എക്സ്പ്രസ് വിമാനങ്ങളുടെ അവസാനനിമിഷ റദ്ദാക്കലും വൈകിപ്പറക്കലും. വിമാനങ്ങളുടെ ‘സാങ്കേതിക തകരാർ’ കാരണം നൂറുകണക്കിന് പേരാണ് യാത്രാസൗകര്യം ഉറപ്പാകാതെ വലയുന്നത്.

കു​വൈ​ത്തി​ൽ നി​ന്നും തി​രി​ച്ചു​മു​ള്ള എ​യ​ർ ഇ​ന്ത്യ എ​ക്സ്പ്ര​സ് സ​ർ​വി​സ് വീ​ണ്ടും താ​ളം തെ​റ്റി. ഞാ​യ​റാ​ഴ്ച രാ​ത്രി 12.30നു​ള്ള കു​വൈ​ത്ത്-​കൊ​ച്ചി സ​ർ​വി​സ് അ​പ്ര​തീ​ക്ഷി​ത​മാ​യി റ​ദ്ദാ​ക്കി. യാ​ത്ര​ക്കാ​ർ ഇ​മി​ഗ്രേ​ഷ​ൻ പൂ​ർ​ത്തി​യാ​ക്കി വി​മാ​ന​ത്തി​ൽ ക​യ​റാ​ൻ ത​യാ​റെ​ടു​ക്കു​ന്ന​തി​നി​ടെ​യാ​ണ് വി​മാ​നം വൈ​കു​മെ​ന്ന് അ​റി​യി​ച്ച​ത്. തു​ട​ർ​ന്ന് യാ​ത്ര​ക്കാ​രെ ഹോ​ട്ട​ലി​ലേ​ക്ക് മാ​റ്റി.

തി​ങ്ക​ളാ​ഴ്ച രാ​വി​ലെ വി​മാ​നം പു​റ​പ്പെ​ടു​മെ​ന്ന് അ​റി​യി​ച്ചി​രു​ന്നു​വെ​ങ്കി​ലും ന​ട​പ​ടി​യു​ണ്ടാ​യി​ല്ല. തി​ങ്ക​ളാ​ഴ്ച രാ​ത്രി​യും യാ​ത്ര​ക്കാ​ർ വി​മാ​ന​ത്താ​വ​ള​ത്തി​ൽ തു​ട​രു​ക​യാ​ണ്. തി​ങ്ക​ളാ​ഴ്ച രാ​ത്രി കൊ​ച്ചി​യി​ൽ നി​ന്ന് കു​വൈ​ത്തി​ലേ​ക്കു​ള്ള വി​മാ​ന​വും പു​റ​പ്പെ​ട്ടി​ല്ല. ഈ ​വി​മാ​നം ചൊ​വ്വാ​ഴ്ച രാ​വി​ലെ 7.30ന് ​പു​റ​പ്പെ​ടു​മെ​ന്നാ​ണ് യാ​ത്ര​ക്കാ​ർ​ക്ക് ല​ഭി​ച്ച വി​വ​രം. വി​മാ​നം വൈ​കി​യ​തോ​ടെ യാ​ത്ര​ക്കാ​രു​ടെ അ​ത്യാ​വ​ശ്യ യാ​ത്ര​യും വൈ​കി.

രാ​വി​ലെ ഒ​മ്പ​തി​ന് കോ​ഴി​ക്കോ​ടു നി​ന്നു​ള്ള വി​മാ​നം തി​ങ്ക​ളാ​ഴ്ച 9.52നാ​ണ് പു​റ​പ്പെ​ട്ട​ത്. 11.40ന് ​കു​വൈ​ത്തി​ലെ​ത്തു​ന്ന വി​മാ​നം തി​ങ്ക​ളാ​ഴ്ച എ​ത്തി​യ​ത് 2.30 ന്. ​ഇ​തോ​ടെ, കു​വൈ​ത്ത് കോ​ഴി​ക്കോ​ട് വി​മാ​ന​വും ​വൈ​കി. 12.40ന് ​കു​വൈ​ത്തി​ൽ നി​ന്ന് കോ​ഴി​ക്കോ​ട്ടേ​ക്കു​ള്ള വി​മാ​നം 3.39നാ​ണ് പു​റ​പ്പെ​ട്ട​ത്. രാ​ത്രി 11 ക​​ഴി​ഞ്ഞാ​ണ് വി​മാ​നം കോ​ഴി​ക്കോ​ട്ട് എ​ത്തി​യ​ത്. പ​തി​വാ​യി രാ​ത്രി 8.10ന് ​കോ​ഴി​ക്കോ​ട്ട് എ​ത്തു​ന്ന വി​മാ​ന​മാ​ണി​ത്.

ഇന്നലെ യുഎഇ– കേരള സെക്ടറിൽ 5 വിമാന സർവീസുകളാണ് അവസാനനിമിഷം റദ്ദാക്കിയത്. രാവിലെ 10.05നുള്ള കോഴിക്കോട്– അബുദാബി എയർ ഇന്ത്യാ എക്സ്പ്രസ്, 11നുള്ള കൊച്ചി– ദുബായ് എയർ ഇന്ത്യ, ഉച്ചയ്ക്ക് 1.30നുള്ള ദുബായ്– കൊച്ചി എയർ ഇന്ത്യ, 1.40നുള്ള അബുദാബി– കോഴിക്കോട് എയർ ഇന്ത്യാ എക്സ്പ്രസ് എന്നീ വിമാനങ്ങളിലെ എണ്ണൂറോളം യാത്രക്കാരാണ് ദുരിതത്തിലായത്. അബുദാബിയിൽ നിന്ന് കോഴിക്കോട്ടേക്കുള്ള എയർ ഇന്ത്യാ എക്സ്പ്രസ് സർവീസ് വൈകുമെന്ന് 3 മണിക്കൂർ മുൻപ് യാത്രക്കാർക്ക് അറിയിപ്പ് ലഭിച്ചിരുന്നു.

എന്നാൽ കൊച്ചി എയർ ഇന്ത്യാ യാത്രക്കാർക്ക് അറിയിപ്പ് ലഭിക്കുന്നത് വിമാനം പുറപ്പെടേണ്ട സമയവും പിന്നിട്ട് ഒന്നര മണിക്കൂർ കഴിഞ്ഞാണ്. ഇന്നലെ രാത്രി 9.55ന് കണ്ണൂരിലേക്ക് പോകേണ്ടിയിരുന്ന എയർ ഇന്ത്യാ എക്സ്പ്രസും റദ്ദാക്കി. ഇതിലെ കുറിച്ച് യാത്രക്കാരെ രാത്രി 8.50ന് കരിപ്പൂരിലേക്കുള്ള വിമാനത്തിൽ കൊണ്ടുപോയി. മറ്റുള്ളവരെ ഇന്ന് നാട്ടിലെത്തിക്കുമെന്നാണ് എയർ ഇന്ത്യ എക്സ്പ്രസ് അധികൃതർ അറിയിച്ചിട്ടുള്ളത്.

സാധാരണ നിരക്കിനേക്കാൾ അഞ്ചിരട്ടി തുകയ്ക്ക് ടിക്കറ്റ് എടുത്തവരാണ് സമയത്തിന് നാട്ടിലെത്താനാകാതെ പ്രയാസപ്പെടുന്നത്. വർഷങ്ങളുടെ കാത്തിരിപ്പിനാെടുവിൽ ചുരുങ്ങിയ ദിവസത്തെ അവധിക്കു നാട്ടിലേക്കു പോകുന്നവരുടെ ഓരോ ദിവസത്തിനും പാെന്നിന്റെ വിലയാണ്. പ്രവാസികളെ സ്വീകരിക്കാനും യാത്രയാക്കാനുമായി ദൂരദിക്കുകളിൽനിന്ന് എത്തുന്ന പ്രിയപ്പെട്ടവരുടെ പ്രയാസങ്ങൾ വേറെയും.

കൈക്കുഞ്ഞുങ്ങളടക്കമുള്ള കുട്ടികളുമായി യാത്ര ചെയ്യുന്നവർ, തനിച്ചു യാത്ര ചെയ്യുന്ന സ്ത്രീകൾ, യുഎഇയിലെത്തി ജോലിയിൽ പ്രവേശിക്കേണ്ടവർ, വീസാ കാലാവധി തീരാറായവർ എന്നിങ്ങനെ എയർ ഇന്ത്യയുടെയും എയർ ഇന്ത്യാ എക്സ്പ്രസിന്റെയും ഊരാകുടുക്കിൽ കുടുങ്ങിയവർ ഒട്ടേറെയാണ്. സന്ദർശക വീസയിലെത്തി കാലാവധി കഴിഞ്ഞവർ, അടിയന്തര ചികിത്സയ്ക്കായി നാട്ടിലേക്കു പോകുന്നവർ, മരണാനന്തര ചടങ്ങുകളിൽ പങ്കെടുക്കേണ്ടവർ, കുട്ടികളുടെ വിദ്യാഭ്യാസത്തിനായി നാട്ടിലെത്തേണ്ടവർ തുടങ്ങിയവരും കഷ്ടപ്പെടുകയാണ്.

യാത്രാക്ലേശത്തിന് കാരണം സാങ്കേതിക തകാരാണെന്ന് എയർ ഇന്ത്യയും ഓപ്പറേഷനൽ പ്രശ്നമാണെന്ന് എയർ ഇന്ത്യാ എക്സ്പ്രസും അറിയിച്ചു. ജൂലൈ ഒന്നിനും പത്തിനും ഇടയിൽ പന്ത്ര‍ടിലെറേ വിമാനങ്ങളാണ് ഗൾഫ്–കേരള സെക്ടറിൽ മുടങ്ങിയത്. കഷ്ടിച്ച് 5 ദിവസം മുടങ്ങാതെ സർവീസ് നടത്തിയെങ്കിലും സാങ്കേതിക പ്രശ്നം ഒഴിയാബാധയായി തുടരുകയാണ്.