സ്വന്തം ലേഖകന്‍: അണ്ണാ ഹസാരെയുടെ ജീവിതകഥ സിനിമയാകുന്നു, ചിത്രത്തിന്റെ ടീസര്‍ പുറത്തിറങ്ങി. അണ്ണാ ഹസാരെയുടെ ജീവിതകഥ പറയുന്ന സിനിമ ‘അണ്ണാ കിസാന്‍ ബാബുറാവു ഹസാരെ’യുടെ ടീസറാണ് നിര്‍മ്മാതാക്കള്‍ പുറത്തിറക്കിയത്. സംവിധായകന്‍ ശശാങ്ക് ഉദാപുര്‍കര്‍ തന്നെയാണ് പ്രധാന കഥാപാത്രമായ ഹസാരെയെ അവതരിപ്പിക്കുന്നത്. തനിഷാ മുഖര്‍ജിയാണ് നായികാ വേഷത്തില്‍. റൈസ് പിക്‌ചേഴ്‌സ് പ്രൈവറ്റ് ലിമിറ്റഡ് ബാനറില്‍ മഹേന്ദ്രജയിനാണ് സിനിമ നിര്‍മ്മിക്കുന്ന ചിത്രത്തില്‍ ശരത് സക്‌സേന, ഗോവിന്ദ് നമേദോ, കിഷോര്‍ കദം എന്നിവര്‍ മറ്റു വേഷങ്ങളിലെത്തുന്നു. 130 മിനുറ്റ് ദൈര്‍ഘ്യമുള്ള സിനിമയുടെ പ്രധാന ഭാഗങ്ങള്‍ അണ്ണാ ഹസാരെയുടെ ജന്മനാടായ റാലേഗന്‍സിദ്ദിയിലാണ് ചിത്രീകരിച്ചത്. മറ്റു ഭാഗങ്ങള്‍ മുംബൈ,ദില്ലി,ലഡാക്ക്, രാജസ്ഥാന്‍ എന്നിവിടങ്ങളും ചിത്രീകരിച്ചു. ചിത്രം ഒക്ടോബര്‍ 14 ന് തിയറ്ററുകളിലെത്തും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല