വിനോദ് വല്യത്ത്: മലങ്കര ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ ബസേലിയോസ് മാത്യൂസ് തൃതീയൻ കാതോലിക്കാ ബാവ ബ്രിസ്റ്റോൾ സെന്റ് മേരീസ് ഇന്ത്യൻ ഓർത്തഡോക്സ് ഇടവകയിൽ 2024 ജൂൺ 8ന് വൈകിട്ട് 6:00 PM മണിക്ക് എത്തിച്ചേരുന്നു. ബ്രിസ്റ്റോൾ ഇടവക ഒന്നാകെ പരിശുദ്ധ പിതാവിന് ഗംഭീര വരവേൽപ്പ് നൽകുവനായി ഒരുങ്ങുകയാണ്.
ശ്ലൈഹീക സന്ദർശനത്തിന്റെ ഭാഗമായി യു. കെ യിലെ വിവിധ ഇടവകകൾ പരിശുദ്ധ കാതോലിക്ക ബാവ തിരുമനസുകൊണ്ടു സന്ദർശിച്ചു വരുന്നതിന്റെ ഭാഗമായിട്ടാണ് ബ്രിസ്റ്റോൾ ഇടവകയിൽ 2024 ജൂൺ 8 ന് ശനിയാഴ്ച സന്ധ്യ നമസ്‌കാര ശുശ്രൂഷ നടത്തുവാനും ബ്രിസ്റ്റോൾ ഇടവകയിലെ സഭാ വിശ്വാസികളെ നേരിൽ കാണുവാനും പരിശുദ്ധ കാതോലിക്ക ബാവാ തിരുമനസ്സുകൊണ്ട് എത്തിച്ചേരുന്നത്.
യു. കെ, യൂറോപ്പ്, ആഫ്രിക്ക ഭദ്രാസന മെത്രാപ്പൊലീത്ത അഭിവന്ദ്യ എബ്രഹാം മാർ സ്തെഫനോസ് തിരുമേനിയും അന്നേ ദിവസം പരിശുദ്ധ കാതോലിക്ക ബാവയുടെ കൂടെ സന്ദർശനത്തിനായി എത്തിച്ചേരുന്നതാണ്. ഇടവകയുടെ പുനർനിർമാണ പ്രവർത്തനങ്ങൾ നടക്കുന്ന ഈ അവസരത്തിലും സ്ഥലപരിമിതികളുടെ അഭാവത്തിലും ഇടവക മൊത്തമായും മലങ്കരയുടെ മോറാനെ വരവേൽക്കാനുള്ള തയ്യാറെടുപ്പുകൾ നടത്തിക്കൊണ്ടിരിക്കുന്നു.
ഇടവക വികാരി ബഹു : വർഗീസ് ജോൺ മണ്ണാഞ്ചേരിൽ ഇടവക ട്രസ്റ്റീ ബിജോയ് ജോർജ്, ഇടവക സെക്രട്ടറി ഷോൺ ജോൺ പള്ളിക്കലേത്ത് മാനേജ്‌മെന്റ് ഭാരവാഹികൾ തുടങ്ങിയവർ സ്വീകരണ പ്രവർത്തനങ്ങൾക്കു നേതൃത്വം നൽകുന്നു. എല്ലാ സഭാ മക്കളേയും 2024 ജൂൺ 8 ന് ശനിയാഴ്ച ബ്രിസ്റ്റോൾ സെന്റ് മേരീസ് ഇന്ത്യൻ ഓർത്തഡോക്സ് ഇടവകയിലേക്കു സ്വാഗതം ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല