തോമസ് ജോര്‍ജ്: ഡോര്‍സെറ്റ് ബൈബിള്‍ കണ്‍വെന്‍ഷന്‍ ഡിസംബര്‍ മൂന്ന് ശനിയാഴ്ച. ഡോര്‍സെറ്റ് നൈറ്റ് വിജിലിന്റെ ആഭിമുഖ്യത്തില്‍ ഡിസംബര്‍ മാസം മൂന്നാം തീയതി ശനിയാഴ്ച പൂള്‍ കിന്‍സണ്‍ പള്ളിയില്‍ വച്ച് ഏകദിന ബൈബിള്‍ കണ്‍വന്‍ഷന്‍ സംഘടിപ്പിക്കുന്നു. യുകെയിലെ പ്രശസ്ത ബൈബിള്‍ പ്രഘോഷകനായ സോജിയച്ചന്റെ നേതൃത്വത്തില്‍ സെഹിയോന്‍ യുകെയാണ് കണ്‍വന്‍ഷന്‍ നയിക്കുന്നത്. ഡോര്‍സെറ്റില്‍ ഇനി മുതല്‍ മൂന്നു മാസത്തില്‍ ഒരിക്കല്‍ സംഘടിപ്പിക്കുന്ന ബൈബിള്‍ കണ്‍വന്‍ഷന്റെ പ്രഥമ കണ്‍വന്‍ഷനില്‍ ദിവ്യബലിയര്‍പ്പിക്കുവാന്‍ എത്തുന്നത് ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ അഭിവന്ദ്യ പിതാവും ബിഷപ്പുമായ മാര്‍ ജോസഫ് സ്രാമ്പിക്കല്‍ ആണ്. രൂപതാ വികാരി ജനറാള്‍ സജി മലയില്‍ പുത്തന്‍പുരയച്ചനും സഖറിയാസ് അച്ചനും കണ്‍വന്‍ഷനില്‍ എത്തിച്ചേരും. കുട്ടികള്‍ക്കായി പ്രത്യേക ധ്യാനം സെഹിയോന്‍ യുകെ ഒരുക്കിയിട്ടുണ്ട്. ധ്യാനത്തില്‍ പങ്കെടുക്കുന്നവര്‍ക്കായി കുമ്പസാരിക്കുന്നതിനുള്ള പ്രത്യേക സൗകര്യം ഒരുക്കിയിട്ടുണ്ട്. ക്രിസ്തുമസിന്റെ ഒരുക്കമായിട്ടുള്ള 25 നൊയമ്പിന്റെ ആദ്യത്തില്‍ ഒരുക്കിയിരിക്കുന്ന ബൈബിള്‍ കണ്‍വന്‍ഷനിലേക്ക് ഏവരേയും സ്വാഗതം ചെയ്യുന്നതായി ഡോര്‍സെറ്റ് സീറോ മലബാര്‍ ചാപ്ലിന്‍ റവ. ഫാ. ചാക്കോ പനത്തറ അറിയിച്ചു.
കണ്‍വന്‍ഷന്‍ നടക്കുന്ന പള്ളിയുടെ അഡ്രസ്:
CHRIST THE KING CHURCH ,46 DURDEL’S AVENUE
KINSON POOLE ,BH119EH
സമയം: രാവിലെ 9 മുതല്‍ വൈകീട്ട് 5 വരെ
കൂടുതല്‍ വിവരങ്ങള്‍ക്ക്:
ചാക്കോ പനത്തറ: 07825214025
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല