സ്വന്തം ലേഖകൻ: കുവൈത്ത് പൗരൻമാർക്ക് തങ്ങളുടെ വിരലടയാളം ഉൾപ്പെടെയുള്ള ബയോമെട്രിക് വിവരങ്ങൾ രേഖപ്പെടുത്തുന്നതിനുള്ള സമയ പരിധി ഇന്നത്തോടെ അവസാനിക്കും. സെപ്തംബര്‍ 30-നകം ബയോമെട്രിക് വിരലടയാളം രേഖപ്പെടുത്തുന്നതില്‍ പരാജയപ്പെടുന്നവർക്ക് നാളെ മുതൽ കര്‍ശനമായ ബാങ്കിങ് നിയന്ത്രണങ്ങൾ നേരിടേണ്ടിവരുമെന്ന് ബാങ്കിങ് വൃത്തങ്ങള്‍ അറിയിച്ചു.
നവംബര്‍ ഒന്ന് മുതല്‍, നിബന്ധനകള്‍ പാലിക്കാത്ത പൗരന്മാരുടെ അക്കൗണ്ടുകള്‍ പൂർണമായും മരവിപ്പിക്കും. അവരുടെ ഫണ്ടുകളിലേക്കും ഇലക്ട്രോണിക് ബാങ്കിങ് സേവനങ്ങളിലേക്കും പ്രവേശനം നിയന്ത്രിക്കും.
ഒക്ടോബര്‍ ഒന്ന് മുതല്‍, പാലിക്കാത്ത പൗരന്മാര്‍ക്ക് ഇനിപ്പറയുന്ന അക്കൗണ്ട് നിയന്ത്രണങ്ങള്‍ നേരിടേണ്ടിവരും
അക്കൗണ്ട് ബാലന്‍സുകള്‍, സ്റ്റേറ്റ്മെന്റുകള്‍, പണം കൈമാറ്റം എന്നിവയിലേക്കുള്ള ആക്സസ് ഉള്‍പ്പെടെയുള്ള ഇലക്ട്രോണിക് സേവനങ്ങളും പേയ്മെന്റുകളും താല്‍ക്കാലികമായി നിര്‍ത്തിവയ്ക്കും.
ഓണ്‍ലൈന്‍ പേയ്മെന്റുകള്‍ തടയപ്പെടും. ഉപഭോക്താക്കള്‍ക്ക് ഇലക്ട്രോണിക് ഇടപാടുകള്‍ക്കായി അവരുടെ ബാങ്ക് അക്കൗണ്ടുകള്‍ ഉപയോഗിക്കാന്‍ കഴിയില്ല.
ഒക്ടോബര്‍ 15-നകം ബയോമെട്രിക് രജിസ്ട്രേഷൻ പൂർത്തിയാക്കി ഇല്ലെങ്കിൽ കൂടുതൽ നിയന്ത്രണങ്ങൾ ഏർപ്പെടുത്തും.
കെ-നെറ്റ്, വീസ, മാസ്റ്റര്‍കാര്‍ഡ് എന്നിവയുള്‍പ്പെടെ എല്ലാ ബാങ്ക് കാര്‍ഡുകളും പ്രവര്‍ത്തനരഹിതമാക്കും.
അക്കൗണ്ടിൽ പണം നിക്ഷേപിക്കാനോ പിൻവലിക്കാനോ സാധിക്കുകയില്ല. ഇടപാടുകള്‍ക്കായി ഉപഭോക്താക്കള്‍ അവരുടെ ബാങ്ക് നേരിട്ട് സന്ദര്‍ശിക്കേണ്ടതായി വരും.
നവംബര്‍ ഒന്നിനകം ബയോമെട്രിക് രജിസ്ട്രേഷൻ പൂർത്തിയാക്കിയില്ലെങ്കിൽ അക്കൗണ്ട് പൂര്‍ണ്ണമായും ഫ്രീസ് ചെയ്യും.
നവംബര്‍ ഒന്നിന് ശേഷം, ബയോമെട്രിക് വിരലടയാളം പൂര്‍ത്തിയാക്കാത്തവര്‍ക്ക് നേരിട്ട് പണം പിന്‍വലിക്കല്‍ സേവനം പോലും തടയപ്പെടും. എന്നിരുന്നാലും, ലോണ്‍ തിരിച്ചടവുകളും സര്‍ക്കാര്‍ ഫീസും ഉള്‍പ്പെടെ ഈ കാലയളവില്‍ അക്കൗണ്ടുകളില്‍ നിന്ന് കുടിശ്ശികയുള്ള പേയ്മെന്റുകള്‍ ബാങ്കുകള്‍ കുറയ്ക്കും.
ബാങ്കുകള്‍, പബ്ലിക് അതോറിറ്റി ഫോര്‍ സിവില്‍ ഇന്‍ഫര്‍മേഷന്‍, ആഭ്യന്തര മന്ത്രാലയവും ബയോമെട്രിക് രജിസ്‌ട്രേഷന്‍ പൂര്‍ത്തിയാക്കാന്‍ പൗരന്മാരെയും പ്രവാസികളെയും സജീവമായി ഓര്‍മ്മിപ്പിച്ചു. തങ്ങളുടെ ബാങ്കിങ് സേവനങ്ങള്‍ തടസ്സപ്പെടാതിരിക്കാന്‍ ബയോമെട്രിക് നിബന്ധനകൾ പാലിക്കാന്‍ ഉപഭോക്താക്കളോട് അഭ്യർഥിച്ചു.
ആഭ്യന്തര മന്ത്രാലയത്തിന്റെ നേതൃത്വത്തിൽ നടക്കുന്ന ബയോമെട്രിക് രജിസ്‌ട്രേഷന്‍ പൗരന്മാര്‍ പാലിക്കുന്നുണ്ടെന്ന് ഉറപ്പാക്കാനാണ് ഈ നീക്കം. വരും ദിവസങ്ങളിൽ പരിശോധന ശക്തമാക്കും. ഇനി കുവെെറ്റിലേക്ക് വരാൻ ബയോമെട്രിക് വിവരങ്ങൾ നൽകണം. നിരവധി പ്രവാസികൾ ഇതിന്റെ പ്രവർത്തനങ്ങളുമായി മുന്നോട്ടു പോകുകയാണ്. പലരും നാട്ടിലേക്ക് വരേണ്ട സമയമായിട്ടും എത്തിയിട്ടില്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല