സ്വന്തം ലേഖകന്‍: ഉത്തര്‍പ്രദേശില്‍ യഥാര്‍ഥ ബലാത്സംഗ വീഡിയോകളുടെ കരിഞ്ചന്ത സജീവമാകുന്നു, നടക്കുന്നത് വന്‍ വില്‍പ്പന. ആഗ്രയിലെ കസ്ഗഞ്ച് മാര്‍ക്കറ്റില്‍ ഇത്തരം ദൃശ്യങ്ങള്‍ വില്‍പ്പന നടത്തുന്ന അനേകം കടകളുണ്ടെന്നും 30 സെക്കന്റ് മുതല്‍ അഞ്ച് മിനിറ്റുകള്‍ വരെ നീളുന്ന ദൃശ്യങ്ങളാണ് ദിനംപ്രതി വിറ്റു പോകുന്നതെന്നും വിവിധ റിപ്പോര്‍ട്ടുകള്‍ പറയുന്നു.
100 മുതല്‍ 1000 വരെ വിഡിയോകള്‍ക്ക് ദിവസവും ആവശ്യക്കാരുണ്ട്. 30 സെക്കന്റ് മുതല്‍ അഞ്ച് മിനിറ്റ് വരെ ദൈര്‍ഘ്യമുള്ള വിഡിയോകള്‍ വിശ്വസ്തരായ ഇടപാടുകാര്‍ക്കു മാത്രമേ ലഭിക്കുകയുള്ളൂ. സ്മാര്‍ട്ട് ഫോണിലോ പെന്‍ ഡ്രൈവിലോ ഡൗണ്‍ലോഡ് ചെയ്യാനുള്ള സൗകര്യവും ലഭിക്കും. കുറ്റവാളികള്‍ തന്നെ പകര്‍ത്തിയ ദൃശ്യങ്ങളാണ് മിക്കതിലും ഉപയോഗിച്ചിരിക്കുന്നത്. കൗമാരക്കാരാണ് വാങ്ങാന്‍ എത്തുന്നവരില്‍ കൂടുതലും.
പോണ്‍ വീഡിയോകളുടെ വില്‍പ്പന സാധാരണമാണെങ്കിലും ഇത്തരം യഥാര്‍ത്ഥ കുറ്റകൃത്യങ്ങളുടെ ദൃശ്യങ്ങള്‍ വില്‍പ്പനക്ക് വെക്കുന്നത് അധികൃതരെ ഞെട്ടിച്ചിരിക്കുകയാണ്. സംഭവത്തില്‍ അന്വേഷണം നടക്കുന്നുണ്ടെന്നും റെയ്ഡ് നടത്തി കുറ്റക്കാരെ നിയമത്തിന് മുന്നില്‍ കൊണ്ടു വരുമെന്നും പൊലീസ് അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല