സിറോ മലബാര്‍ കാത്തലിക് കമ്യൂണിറ്റിയുടെ ആഭിമുഖ്യത്തില്‍ ബ്ളാക്ക്ബേ ണില്‍ നടന്ന തോമ്മാശ്ളീഹായുടെ തിരുനാള്‍ ഭക്തിസാന്ദ്രമായി. ബ്ളാക്ക്ബേണില്‍ നിന്നും സമീപ പ്രദേശങ്ങളില്‍ നിന്നുമായി നൂറുകണക്കിന് വിശ്വാസികള്‍ തിരുനാള്‍ കുര്‍ബാ നയിലും പ്രദക്ഷിണത്തിലും പങ്കാളികളായി.
രാവിലെ പത്തിന് സാല്‍ഫോര്‍ഡ് രൂപതാ സിറോ മലബാര്‍ ചാപ്ളെയിന്‍ ഫാ. തോമസ് തൈക്കൂട്ടത്തിലിന്റെ മുഖ്യകാര്‍മികത്വത്തില്‍ വിശുദ്ധ കുര്‍ബാനയോടെ തിരുനാള്‍ തിരുകര്‍മങ്ങള്‍ ആരംഭിച്ചു. ഫാ. ഫിലിപ് കുഴിപറമ്പില്‍, ഫാ. ജോണ്‍ ഡഗ്ഡെയിന്‍, ഫാ. മൈക്കിള്‍ വാട്ടേഴ്സ്, ഫാ. ജിം മക്കാര്‍ത്തി തുടങ്ങിയവര്‍ സഹകാര്‍മികത്വം വഹിച്ചു.
തിരുനാള്‍ കുര്‍ബാനയെ തുടര്‍ന്ന് തിരുനാള്‍ പ്രദക്ഷിണം നടന്നു. തോമ്മാശ്ളീഹായുടെ തിരുസ്വരൂപവും വഹിച്ച് ചെണ്ടമേളങ്ങളുടെയും വാദ്യമേളങ്ങളുടെയും അകമ്പടിയോടെ നടന്ന തിരുനാള്‍ പ്രദക്ഷിണം വിശ്വാസ സമൂഹത്തിന് നവ്യാനുഭവം പകര്‍ന്നു.
പ്രദക്ഷിണത്തെ തുടര്‍ന്ന് വിശുദ്ധ കുര്‍ബാനയുടെ ആശീര്‍വാദവും കലാപരിപാടികളും സ്നേഹവിരുന്നും നടന്നു. കമ്മിറ്റി അംഗങ്ങളായ ബിനു സെബാസ്റ്റ്യന്‍, സന്തോഷ് ജോസഫ്, സ്വപ്ന സുനില്‍ തുടങ്ങിയവര്‍ പരിപാടികള്‍ക്ക് നേതൃത്വം നല്‍കി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല