സ്വന്തം ലേഖകന്‍: ഭീകരസംഘടനയായ ബൊക്കോഹമാറിന് പുതിയ നേതൃത്വം, ക്രിസ്ത്യന്‍ പള്ളികള്‍ തകര്‍ക്കുമെന്ന് ഭീഷണി. ബൊക്കോഹറാം തീവ്രവാദികള്‍ പുതിയ നേതാവിനെ തെരഞ്ഞെടുത്തതായാണ് പുതിയ റിപ്പോര്‍ട്ടുകള്‍. അബു മുസാബ് അല്‍ ബര്‍നാവിയെന്ന ഭീകരനാണ് സംഘടനയുടെ പ്രവര്‍ത്തനങ്ങള്‍ ഏകോപിപ്പിക്കുന്ന പുതിയ തലവനെന്നും റിപ്പോര്‍ട്ടുകള്‍ പറയുന്നു.
ക്രിസ്ത്യന്‍ പള്ളികളും ക്രിസ്ത്യാനികള്‍ ഉപയോഗിക്കുന്ന ചന്തകളും സ്‌ഫോടനം വഴി തകര്‍ക്കുമെന്ന് ബൊക്കോഹറാമിന്റെ പുതിയ തലവനായി സ്ഥാനമേറ്റയുടന്‍ അബു മുസാബ് അല്‍ ബര്‍നാവി മുന്നറിയിപ്പ് നല്‍കിയതായും റിപ്പോര്‍ട്ടുകള്‍ പറയുന്നു.
ദീര്‍ഘകാലമായി ബൊക്കോഹറാമിന്റെ തലവനായിരുന്ന അബുബക്കര്‍ ശെഖാവുവിന് പകരമാണ് ബറര്‍നാവി സ്ഥാനമേറ്റിരിക്കുന്നത്. ശെഖാവു ആക്രമണത്തില്‍ കൊല്ലപ്പെട്ടതായി നേരത്തെ അഭ്യുഹങ്ങളുണ്ടായിരുന്നു.
അതേസമയം അന്‍സാരുവിന്റെ നേതൃത്വത്തിലുള്ള വിമത വിഭാഗം ശെഖാവുവിനെ അട്ടിമറിച്ച് സംഘടന പിടിച്ചെടുത്തതാണെന്നും സ്ഥിരീകരിക്കാത്ത റിപ്പോര്‍ട്ടുകളുണ്ട്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല