സ്വന്തം ലേഖകന്‍: ഓണ്‍ലൈന്‍ സെക്‌സ് റാക്കറ്റിനെതിരെ പ്രതികരിച്ച ബ്രിട്ടീഷ് വനിതാ എം.പിക്ക് ഒറ്റ രാത്രി ലഭിച്ചത് അറുനൂറിലധികം ഭീഷണി കത്തുകള്‍. ലേബര്‍ പാര്‍ട്ടിയുടെ വനിത എം.പിയായ ജെസ്സ് ഫിലിപ്‌സിനാണ് ഇത്രയും ഭീഷണി സന്ദേശങ്ങള്‍ ലഭിച്ചത്. ജെസ്സിനെ ലൈംഗിക പീഡനത്തിന് ഇരയാക്കുമെന്നാണ് എല്ലാ കത്തുകളിലേയും ഭീഷണി.
തന്നെ അധിക്ഷേപിക്കുന്ന നിരവധി സ്ത്രീവിരുദ്ധ പരാമര്‍ശങ്ങള്‍ ലഭിച്ചതായി എം.പി പറഞ്ഞു. ട്വിറ്ററിലൂടെയാണ് എം.പി തനിക്ക് ലഭിച്ച ഭീഷണി സന്ദേശത്തെക്കുറിച്ച് വെളിപ്പെടുത്തിയത്. കൗമാരകാലത്ത് താന്‍ ലൈംഗിക പീഡനത്തിന് ഇരയായിട്ടുണ്ടെന്നും ഇനി ആര്‍ക്കും ഈ അനുഭവം ഉണ്ടാകരുതെന്നുമുള്ള ഉദ്ദേശത്തിലാണ് ഓണ്‍ലൈന്‍ സെക്‌സ് റാക്കറ്റിനെതിരായ ക്യാംപെയ്ന്‍ തുടങ്ങിയതെന്നും എം.പി വെളിപ്പെടുത്തി.
റീക്ലെയിം ഇന്റര്‍നെറ്റ് എന്ന പേരിലാണ് ജെസ്സ് പ്രചരണം തുടങ്ങിയത്. ജെസ്സിന്റെ പ്രചരണം സഭയിലും ചര്‍ച്ചകള്‍ക്ക് വഴിതുറന്നിരുന്നു. കഴിഞ്ഞ വര്‍ഷമാണ് ജെസ്സ് ഫിലിപ്‌സ് ബര്‍മിങ്ഹാം സഭയിലേക്ക് തെരഞ്ഞെടുക്കപ്പെട്ടത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല