മലങ്കരയുടെ യാക്കോബ് ബുര്‍ദാനയും കിഴക്കിന്റെ` കാതോലിക്കയുമായ ആബൂന്‍ മോര്‍ ബസേലിയോസ് തോമസ് പ്രഥമന്‍ ബാവ കഴിഞ്ഞ വെള്ളിയാഴ്ചയും ശനിയാഴ്ചയുമായി സഭയുടെ യൂ കെ റീജിയണിലെ ബെല്‍ഫാസ്റ്റ് ഇടവക സന്ദര്ശിച്ചു. ഇടവകാംഗങ്ങള്‍ വളരെക്കാലമായി ആഗ്രഹിച്ചിരുന്ന ഒന്നായിരുന്നു ശ്രേഷ്ഠ ബാവയുടെ ഈ സന്ദര്ശനം. വെള്ളിയാഴ്ച വൈകിട്ട് ഇടവകയിലെത്തിചേര്‍ന്ന ശ്രേഷ്ഠ ബാവയെ ഇടവക വികാരി റവ. ഫാ. എബിന്‍ മര്‌ക്കൊസിന്റെ നേതൃത്വത്തില്‍ യു കെ റീജിയണല്‍ കൌണ്‍സില്‍ സെക്രടറി ഫാ. ഗീവര്‍ഗീസ് തന്ടായട്ത് , ഫാ. എല്‌ടോസ് വട്ടപ്പറമ്പില്‍, ഫാ ഷാനു പൗലോസ് ഒപ്പം എല്ലാ ഇടവകഅംഗങ്ങളും ചേര്‍ന്നു സുറിയാനി പാരമ്പര്യത്തില്‍ സ്വീകരിചു പള്ളിയിലേക്ക് ആനയിച്ചു. തുടര്ന്നു സന്ധ്യാ പ്രാര്ത്ഥന ശ്രേഷ്ഠ ബാവയുടെ മഹനീയ കാര്‍മ്മികത്വത്തില്‍ നടത്തപ്പെട്ടു.
ശനിയാഴ്ച രാവിലെ ശ്രേഷ്ഠ ബാവാ തിരുമനസിന്റെ മഹനീയ കാര്‍മ്മികത്വത്തില്‍ പ്രഭാത പ്രാര്‍ഥനയും, വിശുദ്ധ കുര്ബാനയും, അനുഗ്രഹ സന്ദേശവും നല്കി ബാവ ഇടവകയെ അനുഗ്രഹിച്ചു.
വിശുദ്ധ കുര്‍ബാനന്തരം ശ്രേഷ്ഠ ബാവയുടെ എണ്‍പത്തി ഏഴാമത്തെ ജന്മദിനവും, കാതോലിക്ക സ്ഥാനാരോഹണത്തിന്റെ പതിമൂന്നാമതു വാര്ഷികവും പ്രമാണിചുള്ള പ്രത്യേക അനുമോദന സമ്മേളനം നടത്തുകയുണ്ടായി . പ്രസ്തുത സമ്മേളനത്തില്‍ ഇടവക പ്രത്യേകം തയാറാക്കിയ കേക്ക് മുറിച്ചുകൊണ്ട ശ്രേഷ്ഠ ബാവ ജന്മദിനവും വാര്ഷികവും ആഘോഷിച്ചു. അനുമോദന യോഗത്തില്‍ ഇടവക വികാരി ഫാ. എബിന്‍ മാര്‌ക്കോസ് സ്വാഗതവും, യു കെ റീജിയണല്‍ കൌണ്‍സില്‍ സെക്രട്ടറി. ഫാ ഗീവര്‍ഗീസ് തന്ധായട്ത്, ഫാ എല്‌ടോസ് വട്ടപ്പറമ്പില്‍, ഫാ. ഷാനു പൗലോസ് , യു കെ റീജിയണല്‍ കൌണ്‍സില്‍ അംഗം കെ, ഐ ഗീവര്‍ഗീസ് , ശ്രി . ജിബി ആന്‍ഡൂസ് തുടങ്ങിയവര്‍ അനുമോദന പ്രസംഗം നടത്തുകയും ശ്രി. നിജു ബേബി നന്ദി അര്പ്പിക്കുകയും ചെയ്തു.
തദവസരത്തില്‍ ഇടവകയുടെ വകയായി ഒരു മോമാന്‌ടോ ഇടവക വികാരിയുടെ നേതൃത്വത്തില്‍ കമ്മറ്റിയംഗങ്ങള്‍ ചേര്‍ന്ന് ശ്രേഷ്ഠ ബാവയ്ക്ക് സമ്മാനിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല