വിഖ്യാത വചന പ്രഘോഷകാനും ധ്യാന ഗുരുവുമായ റവ ഡോ. ജേക്കബ് നാലുപറ നയിക്കുന്ന ഏകദിന ധ്യാനവും ഭക്തി നിര്‍ഭരമായ തിരു ക്കര്‍മ്മങ്ങളുമായി സെന്‍ട്രല്‍ മാഞ്ചസ്റ്റര്‍ സീറോ മലബാര്‍ കമ്മ്യൂണിറ്റി വിശുദ്ധ വാരത്തിനായി ഒരുങ്ങി. മാര്‍ച്ച് ഇരുപത്തിയെട്ടാം തീയതി ശനിയാഴ്ചയാണ് നാലുപറ അച്ചന്‍ നയിക്കുന്ന ധ്യാനം നടക്കുക. രാവിലെ 10 മുതല്‍ വൈകുന്നേരം 5 വരെ ലോങ്ങ് സൈറ്റിലെ സെന്റ് ജോസഫ് ദേവാലയത്തിലാണ് ധ്യാനം നടക്കുക. വിശുദ്ധ വാര തിരുക്കര്‍മ്മങ്ങള്‍ എല്ലാം സെന്റ് ജോസഫ് ദേവാലയത്തില്‍ തന്നെ ആയിരിക്കുമെന്ന് ഭാരവാഹികള്‍ അറിയിച്ചു. മാര്‍ച്ച് ഇരുപത്തിയൊന്‍പതാം തീയതി ഓശാന തിരുക്കര്‍മ്മങ്ങള്‍ രാവിലെ 8 മുതല്‍ ആരംഭിക്കും.
30, 31 തിങ്കള്‍, ചൊവ്വ ദിവസങ്ങളില്‍ വൈകുന്നേരം 5 മുതല്‍ രാത്രി 8 വരെ കുമ്പസാരത്തിന് സൗകര്യം ഉണ്ടായിരിക്കും . ഏപ്രില്‍ രണ്ടാം തീയതി രാവിലെ 10 മുതല്‍ പെസഹാ തിരുക്കര്‍മ്മങ്ങള്‍ ആരംഭിക്കും.
ഏപ്രില്‍ മൂന്നാം തീയതി രാവിലെ 10 മുതല്‍ ദുഃഖ വെള്ളി തിരുക്കര്‍മ്മങ്ങള്‍ ആരംഭിക്കും തുടര്‍ന്ന് കുരിശിന്റെ വഴിയും നേര്‍ച്ച കഞ്ഞി വിതരണവും നടക്കും. ഏപ്രില്‍ നാലാം തീയതി ശനിയാഴ്ച രാത്രി 9.30 മുതല്‍ ഉയര്‍പ്പ് തിരുനാള്‍ തിരുക്കര്‍മ്മങ്ങള്‍ക്ക് തുടക്കമാകും.
വിശുദ്ധ വാര തിരുക്കര്‍മ്മങ്ങളിലും നോമ്പ് കാല ധ്യാനത്തിലും പങ്കെടുത്ത് അനുഗ്രഹങ്ങള്‍ പ്രാപിക്കുവാന്‍ ഏവരെയും സാല്‍ ഫോര്‍ഡ് രൂപതാ സീറോ മലബാര്‍ ചാപ്ലയിന്‍ ഫാ തോമസ് തൈക്കൂട്ടത്തില്‍ സ്വാഗതം ചെയ്യുന്നു.
പള്ളിയുടെ വിലാസം
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല