ബിനോയി കിഴക്കനടി
ഷിക്കാഗോ: ഓഗസ്റ്റ് 9 ഞായറാഴ്ച 9.45 ന് ഷിക്കാഗോ സേക്രഡ് ഹാർട്ട് ഫൊറോനായിൽ മാർ ജോർജ്ജ് പള്ളിപറമ്പിൽ മുഖ്യകാർമികനും ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത്, റെവ. ഫാ. എബ്രാഹം കടുതോടി എന്നിവർ സഹകാർമികരുമായി അർപ്പിച്ച വിശുദ്ധ ബലിയോടൊപ്പം സമർപ്പിതവർഷം ആഹോഷിച്ചു.
തിരുകർമ്മങ്ങൾക്ക് മധ്യേ നടന്ന വചന സന്ദേശത്തിൽ, ഭാരതത്തിലെ മിഷിനറിമാരുടെ ഇപ്പോഴത്തെ സാഹചര്യങ്ങളേപ്പറ്റിയും, വെല്ലുവിളികളേപ്പറ്റി വിശദീകരിക്കുകയും, മിയാവ് രൂപതയിൽ സേക്രഡ് ഹാർട്ട് ഇടവകാംഗങ്ങൾ സന്ദർശിച്ചതും, രൂപതയുടെ വളർച്ചക്ക് ഇടവകാംഗങ്ങൾ ചെയ്ത സഹായങ്ങൾക്ക് മാർ പള്ളിപറമ്പിൽ പിതാവ് നന്ദി പറയുകയും ചെയ്തു. വിശുദ്ധ കുർബാനക്കുശേഷം, മിയാവ് രൂപതയുമായി സേക്രഡ് ഹാർട്ട് ഫൊറോനാക്കുള്ള പ്രത്യേക സ്നേഹത്തേപ്പറ്റിയും, മാർ പള്ളിപറമ്പിൽ പിതാവ് മിയാവ് രൂപതയുടെ വളർച്ചക്ക് ചെയ്തുകൊണ്ടിരിക്കുന്ന നിസ്തുലമായ പ്രവർത്തനങ്ങളെപ്പറ്റിയും, പിതാവ് ഫൊറോനാ സന്ദർശിക്കുകയും വിശുദ്ധ ബലി അർപ്പിച്ച് പ്രാർത്ഥിച്ചതിനും ബഹുമാനപ്പെട്ട മുത്തോലത്തച്ചൻ പ്രത്യേകം ക്യതജ്ഞത പ്രകാശിപ്പിച്ചു. തുടർന്ന് ദൈവത്തിന്റെ പ്രത്യേക അനുഗ്രഹത്താൽ, ക്നാനായ സഭക്ക് കേരളത്തിലുള്ള 3 പിതാക്കന്മാരോടൊപ്പം 4 മിഷനറി ബിഷപ്പുമാരുണ്ടെന്നും, ഒട്ടുമിക്ക മിഷനറി പ്രവർത്തനങ്ങളിലും ക്നാനായക്കാർ നേത്രുത്വസ്ഥാനത്തുണ്ടെന്ന് അനുസ്മരിപ്പിക്കുകയും ചെയ്തു. പിതാവിന്റെ ഈ സന്ദർശനം ഇടവകാംഗങ്ങൾക്ക് മിയാവ് രൂപതയിലെ മിഷിനറി പ്രവർത്തനങ്ങളെപ്പറ്റി കൂടുതൽ അറിയുവാനും, മിഷൻ പ്രവർത്തനങ്ങളിൽ കൂടുതൽ തല്പരരാകുവാനും പ്രചോദനമായിയെന്നും ഏവരും അഭിപ്രായപ്പെട്ടു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല