ജിജി സ്റ്റീഫന്‍
വ്യത്യസ്ത പരിപാടികള്‍ നടത്തി ജനശ്രദ്ധ നേടിയ കേംബ്രിഡ്ജ് മലയാളി അസോസിയേഷന്റെ ബാര്‍ബിക്യു പാര്‍ട്ടി വളരെ ശാന്തസുന്ദരവും പ്രകൃതിരമണീയവുമായ ചെറിഹിന്‍ഡന്‍ പാര്‍ക്കില്‍ വച്ച് ഇന്നലെ നടന്നു. കേംബ്രിഡ്ജിലെ ഏറെക്കൂറെ എല്ലാ മലയാളികളും ഈ പാര്‍ട്ടിയില്‍ പങ്കെടുത്തു. അതിമനോഹരമായ കാലാവസ്ഥയില്‍ വളരെ മിതമായ നിരക്കില്‍ വിവിധയിനം വിഭവങ്ങള്‍ ഒരുക്കിയും തട്ടുകട നടത്തിയും വളരെ വ്യത്യസ്തമായ ഒരു വിരുന്നാണ് കേംബ്രിഡ്ജിലെ മലയാളികള്‍ക്ക് നല്‍കിയത്.
പരിപാടി മധ്യേ കുട്ടികള്‍ക്കും മുതിര്‍ന്നവര്‍ക്കുമായി വിവിധയിനം കായികമത്സരങ്ങളും അരങ്ങേറി. മുതിര്‍ന്നവരും കുട്ടികളും ഒരു പോലെ ആസ്വദിച്ച മറ്റൊരുപരിപാടി ഇന്നുവരെ കേംബ്രിഡ്ജ് കണ്ണ്ടടിട്ടില്ലെന്ന് പാര്‍ട്ടിയില്‍ പങ്കെടുത്ത എല്ലാവരും ഒരേ സ്വരത്തില്‍ പറഞ്ഞു. ഈ ബാര്‍ബിക്യൂ പാര്‍ട്ടി ഒരു വന്‍വിജയമാക്കിയ ഇതിന്റെ പ്രധാന അണിയറ പ്രവര്‍ത്തകരായ സിബിച്ചന്‍(തട്ടുകട), ജോര്‍ജ് പൈലി, ദീപു മാത്യു, ബിനോയ് ഫ്രാന്‍സിസ്, ബെന്നി തോമസ്, ജോഷി ചാക്കോ, എന്നിവര്‍ക്ക് അസോസിയേഷന്‍ പ്രത്യേക അഭിനന്ദനം അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല