റോയ് കാഞ്ഞിരത്താനം
ലോകമെമ്പാടും വചനം എത്തിക്കുക എന്ന ഉദ്ദേശ്യത്തോടെ ആരംഭിച്ചിരിക്കുന്ന ഡിവൈന്‍ ടെലിവിഷന്‍ മൂന്നാം വര്‍ഷത്തിലേക്ക് പ്രവേശിച്ചിരിക്കുകയാണ്. ഈ വര്‍ഷം നവംബര്‍ ഇരുപതാം തിയ്യതി മുതല്‍ കേരളത്തിലും പ്രക്ഷേപണം ആരംഭിക്കുന്ന ഡിവൈന്‍ ടിവി യുകെയില്‍ ബൈബിള്‍ ക്വിസ് മത്സരം സംഘടിപ്പിക്കുന്നു. യുകെയിലെമ്പടും നൂറിലധികം സെന്ററുകളിലായി നടത്തപ്പെടുന്ന ബൈബിള്‍ ക്വിസ് 2012 ഫെബ്രുവരി 18 ന് ആയിരിക്കുമെന്ന് ഫാ: മാത്യു നായിക്കംപറമ്പില്‍ വി.സി ഇന്നലെ ലണ്ടനില്‍ അറിയിച്ചു. വിശ്വാസത്തില്‍ കൂടുതല്‍ ആഴപ്പെടുവാനും ബൈബിള്‍ വായന പരിപോഷിപ്പിക്കുന്നതിനും വേണ്ടി നടത്തപ്പെടുന്ന ബൈബിള്‍ ക്വിസ് മത്സരം കഴിഞ്ഞ മാസം യുകെയില്‍ ആരംഭിച്ച ‘ഫ്രണ്ട്സ് ഓഫ് ഡിവൈനിന്റെ’ ഭാഗമായാണ് സംഘടിപ്പിക്കപ്പെടുന്നത്.
ഓരോ സ്ഥലങ്ങളില്‍ നിന്നും വിജയിക്കുന്നവര്‍ക്ക് പ്രത്യേക സ്റ്റേജ് ഷോയ്ക്ക് അവസാരം ഉണ്ടാകുന്നതാണ്. പങ്കെടുക്കുവാന്‍ താല്പര്യമുള്ളവര്‍ക്ക് അടുത്ത മാസം മുതല്‍ ഡിവൈന്‍ ടിവിയുടെ വെബ് സൈറ്റില്‍ പേര് രെജിസ്റ്റര്‍ ചെയ്യാവുന്നതാണ്.
www.dvnonline,org
മത്സരത്തിന്റെ കൂടുതല്‍ വിവരങ്ങളും വിഷയവും അടുത്ത മാസം ഫാ: മാത്യു നായിക്കം പറമ്പില്‍ ഔദ്യോഗികമായി അറിയിക്കുന്നതാണ്. മൂന്നു കാറ്റഗറികളിലായി തിരിച്ചിരിക്കുന്ന മത്സരം ഏതെങ്കിലും സെന്ററുകളില്‍ നടത്തുവാന്‍ താല്പര്യമുള്ളവര്‍ താഴെ പറയുന്ന വ്യക്തികളുമായി ബന്ധപ്പെടെണ്ടതാണ്.
തോമസ്‌ ആന്റണി: 07903719707
ഫ്രാന്‍സിസ് മാത്യു:07793452185
തോമസ്‌ ജോര്‍ജ്: 07872468499
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല