സ്വന്തം ലേഖകന്‍: ചൈനയില്‍ നായയെ ജീവനോടെ തിളച്ച വെള്ളത്തിലിട്ട് പുഴുങ്ങുന്ന വീഡിയോ പുറത്ത്, കടുത്ത പ്രതിഷേധവുമായി മൃഗസ്‌നേഹികള്‍. ദൃശ്യം പകര്‍ത്തിയിരിക്കുന്നത് ചൈനയിലെ ഹുബി പ്രവിശ്യയുടെ തലസ്ഥാനമായ ഷിജിയാ ഷുവാംഗില്‍ നിന്നുമാണ്. ഒരു വലിയ പാത്രത്തില്‍ വെള്ളം തിളപ്പിച്ച ശേഷം നായയെ ഒരാള്‍ എടുത്ത് ആ വെള്ളത്തിലേക്ക് ഇടുകയും നായ രക്ഷപെടാതിരിക്കാന്‍ ഒരു മൂടി നീളമുള്ള മുളങ്കമ്പ് കൊണ്ട് ബലമായി അടച്ചു പിടിക്കുന്നതുമാണ് ദൃശ്യത്തിലുള്ളത്. പൊള്ളലേറ്റ നായ അതിശക്തമായി കുരയ്ക്കുന്നതും ഒടുവില്‍ ശബ്ദം ഇല്ലാതാകുന്നതും കേള്‍ക്കാം. നായ ചത്തോ എന്നറിയാന്‍ ഇവര്‍ ഇടയ്ക്ക് മൂടി പൊക്കി നോക്കുന്നതും കാണാം. നായയുടെ ജീവന്മരണ പോരാട്ടം അവസാനിക്കുന്നതുവരെ ഇതു തുടരുന്നു. നായ വെന്തു മരിച്ചെന്ന് ഉറപ്പാക്കിയ ശേഷം ഒരു കമ്പു കൊണ്ട് ജഡം എടുത്ത് നീല നിറത്തിലുള്ള ഒരു പ്രത്യേക പാത്രത്തിലേക്ക് മാറ്റുന്നു. കുട്ടികള്‍ ഉള്‍പ്പെടെ അനേകര്‍ നോക്കി നില്‍ക്കേയാണ് ഈ ക്രൂരത നടക്കുന്നത്. നായ ഒരു പ്രമുഖ വിഭവമായ ചൈനയില്‍ നായ മാംസം ആരോഗ്യത്തിന് നല്ലതാണെന്നാണ് വിശ്വാസം. വര്‍ഷം തോറും 10 ദശ ലക്ഷം നായകളെ ചൈനക്കാര്‍ അകത്താക്കുന്നുണ്ട് എന്നാണ് എകദേശ കണക്ക്.
Friday, January 31, 2025 09:45:44 AM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല