കഴിഞ്ഞ ദിവസത്തെ യൂറോ മില്യന്‍ ആരും നേടാത്തത് മൂലം വരുന്ന ചൊവ്വാഴ്ച എടുക്കുന്ന യൂറോ മില്യന്‍ നറുക്കെടുപ്പില്‍ വിജയിയെ കാത്തിരിക്കുന്നത് ഭീമന്‍ സമ്മാനതുകയാണ്. ഏതാണ്ട് 120 മില്യന്‍ പൌണ്ടെന്ന കഴിഞ്ഞ ഏഴ് വര്‍ഷത്തിലെ ഏറ്റവും വലിയ രണ്ടാമത്തെ സമ്മാനതുകയായിരുന്നു കഴിഞ്ഞ ദിവസത്തെ ജാക്ക്പൊട്ടില്‍ വിജയിയെ കാത്തിരുന്നത്.
ഇനി എന്താലായാലും വരുന്ന ചൊവ്വാഴ്ച നടക്കുന്ന നറുക്കെടുപ്പില്‍ വിജയിയെ കാത്തിരിക്കുന്നത് 138 മില്യന്‍ പൌണ്ടാണ്. കഴിഞ്ഞ ഒക്റ്റോബറില്‍ യുകെയിലെ ഏറ്റവും വലിയ രണ്ടാമത്തെ യൂറോ മില്യനറായ പേര് വെളിപ്പെടുത്താത്ത വിജയിയുടെ റിക്കോര്‍ഡാണ് ഒരു യുകെക്കാരന്‍ ഈ വരുന്ന യൂറോ മില്യന്‍ നേടുന്ന പക്ഷം പഴംകഥയാകുക.
യൂറോപ്പിലെ എക്കാലത്തെയും വലിയ ജാക്ക്പോട്ട് വിജയിയായ കോളിന്‍ , ക്രിസ് ദമ്പതികള്‍ 161 മില്യന്‍ പൌണ്ട് നേടിയത് കഴിഞ്ഞ ജൂലൈ മാസമാണ്. കഴിഞ്ഞ ദിവസം രാത്രി നറുക്കെടുത്ത യൂറോ മില്യന്‍ നമ്പരുകള്‍ 01, 02 സ്റ്റാറോട് കൂടിയ 05,21,28,31,34 ആണ് പക്ഷെ ഭാഗ്യം ആരെയും തേടി എത്തിയില്ലെന്ന് മാത്രം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല