ജോമോന്‍ എബ്രഹാം
യൂറോപ്പിലേക്ക് കുടിയേറിയ സുറിയാനി ക്‌നാനായ മക്കളുടെ ഏറ്റവും വലിയ ഔദ്യോഗിക കൂട്ടായ്മയായ യൂറോപ്യന്‍ ക്‌നാനായ സംഗമം അതിന്റെ നാലാമത് വിജയസാഫല്യത്തിന് അരികെ നില്‍ക്കുമ്പോള്‍ ആഥിതേയരായ ബെര്‍മിംഹാം സെന്റ് സൈമണ്‍ ക്‌നാനായ ചര്‍ച്ചിന് പരിപൂര്‍ണ്ണ പിന്തുണയും ആശംസകളും നല്‍കിക്കൊണ്ട് സഹോദര ഇടവകയായ ബ്രിസ്റ്റോള് സെന്റ് പീറ്റേഴ്‌സ് ക്‌നാനായ പള്ളി വിവിധ കലാപരിപാടികള്‍ക്കുള്ള പരിശീലനം ആരംഭിച്ചു.
2012 സെപ്തംബര്‍ 15ന് ശനിയാഴ്ച ബെര്‍മിംങ്ഹാമില്‍ നടക്കുന്ന നാലാമത് ക്‌നാനായ സംഗമത്തിനായി വര്‍ണ്ണനിബിഢമായപ്രദക്ഷിണ പരിപാടികളും വൈവിധ്യമാര്‍ന്ന കലാപരിപാടികളും, ബൈബിള്‍ സ്‌കിറ്റും ആണ് അണിയറയില്‍ സജ്ജമാക്കിക്കൊണ്ടിരിക്കുന്നത്.
2009ല്‍ ബെര്‍മിഹാമില്‍ വെച്ച് തുടക്കമിട്ട ഈ മഹാസംഗമം 2010ല്‍ മാഞ്ചസ്റ്ററിലും 2011ല്‍ ബ്രിസ്റ്റോളിലും അതിഗംഭീരമായി നടത്തപ്പെട്ടത് ലോകത്തെമ്പാടുമുള്ള ക്‌നാനായ മക്കള്‍ക്ക് യൂറോപ്യന്‍ ക്‌നാനായ സമൂഹം നല്‍കിയ ആവേശവും ഉണര്‍വ്വും അതിലുപരി അദ്ഭുതവുമായിരുന്നു.
യൂറോപ്യന്‍ ക്‌നാനായ സംഗമത്തിന്റെ അസിസ്റ്റന്റ് പാട്രണ്‍ ആയ റവ.ഫാ. ഡോ. തോമസ് ജെക്കബ് മണിമല ജര്‍മനിയില്‍ നിന്നും ഈ കഴിഞ്ഞ ആഗസ്ത് 12 ഞാറാഴ്ച ബ്രിസ്റ്റര്‍ സെന്റ് സ്റ്റീഫന്‍ ക്‌നാനായ ചര്‍ച്ച് സന്ദര്‍ശിക്കുകയും നാലാമത് യൂറോപ്യന്‍ സംഗമത്തിന് ക്‌നാനായ തനിമ നിലനിര്‍ത്തിയിട്ടുള്ള പരിപാടികള്‍ ക്രമീകരിക്കുന്നതിന് ഉപഗേശം നല്‍കുകയും ആത്മീയ ഉണര്‍വ്വോടെ എല്ലാ വര്‍ഷവും ക്‌നാനായ സംഗമം നടത്തപ്പെടേണ്ട ആവശ്യകതയെ കുറിച്ചും, ക്‌നാനായ സമുദായത്തിന്റെ പാരമ്പര്യമൂല്യങ്ങളില്‍ അടിയുറപ്പിച്ചുകൊണ്ടുള്ള മാതൃകാ കൂട്ടായമ എന്നും സഭാ വിശ്വാസികള്‍ക്ക് എന്നും സ്‌നേഹവും ഐക്യവും കൂട്ടിയുറപ്പിക്കുന്നതിന് ഏറെ സഹായകമാകുമെന്നും നമ്മെ ഓര്‍മ്മപ്പെടുത്തി.
ഓരോ വര്‍ഷം കഴിയുംതോറും യൂറോപ്യന്‍ ക്‌നാനയ സംഗമം എന്ന ദീപജ്വാലയ്ക്ക് ശോഭ വര്‍ദ്ധിച്ചു വരുന്ന കാഴ്ചയാണ് ഈ കുറഞ്ഞ കാലം കൊണ്ടു തന്നെ മലയാളി സമൂഹം സാക്ഷ്യം വഹിക്കുന്നത്. 2011ലെ മൂന്നാമത് യൂറോപ്യന്‍ സംഗമം ഉണര്‍ത്തിവിട്ട ആവേശം ബ്രിസ്റ്റല്‍ സ്റ്റീഫന്‍ ചര്‍ച്ചിലെ അംഗങ്ങള്‍ക്ക് നാലാമത് ക്‌നാനായ സംഗമത്തിനായി ഏറെ ആത്മവിശ്വാസം നല്‍കി. വികാരിയായ ഫാ. സജി എബ്രഹാം കൊച്ചത്തിന്റെ നേതൃത്വത്തില്‍ ക്‌നാനായ സമൂഹത്തിന്റെ പാരമ്പര്യ പൈതൃകത്തിന്റെ ഒരുമയുടെ പായ്ക്കപ്പലില്‍ ബര്‍മിംഹാം തീരത്തേക്ക് തങ്ങളുടെ സഹോദരങ്ങളെ കാണുവാനും സന്തോഷം പങ്കുവെക്കുവാനുമായി ബ്രിസ്റ്റളിന്റെ ക്‌നാനായ മക്കള്‍ ഒരുങ്ങിക്കഴിഞ്ഞു.
ഇടവകയില്‍ നിന്നുള്ള മികവുറ്റ കലാപരിപാടികള്‍ ഒരുക്കുന്നതിന് നേതൃത്വം നല്‍കുന്നത് യുകെയില്‍ വളര്‍ന്നു വരുന്ന കലാപ്രതിഭകളായ നോയല്‍ ആന്റെ നൈസി സ്വിഡണ്‍ ആണ്.നാലാമത് ക്‌നാനായ യൂറോപ്യന്‍ സംഗമത്തിനായി എല്ലാമംഗളാശംസകളും നേര്‍ന്നുകൊണ്ട് ബ്രിസ്‌റ്റോളിന്റെ മക്കള്‍ ബെര്‍മിംഹാമിലേക്ക്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല