സഖറിയ പുത്തന്‍കുളം
നോട്ടിങ്ങ്ഹാം: ഈ കാലഘട്ടത്തിലെ അഭിഷേകാഗ്നിയാല്‍ ജ്വലിക്കുന്ന, പരിശുദ്ധാത്മാവിനാല്‍ പ്രത്യേകം തെരഞ്ഞെടുക്കപ്പെട്ട വചന പ്രഘോഷകനായ ഫാ. സേവ്യര്‍ഖാന്‍ വട്ടായിലില്‍ നോട്ടിങ്ങ്ഹാമില്‍ എത്തുന്നു. യുകെ സെഹിയോന്‍ മിനിസ്ട്രിയുടെ എല്ലാ രണ്ടാം ശനിയാഴ്ചയിലും നടത്തപ്പെടുന്ന കണ്‍വെന്‍ഷനില്‍ സംബന്ധിക്കുന്നതിന് നവംബര്‍ മാസത്തിലാണ് ഫാ. സേവ്യര്‍ ഖാന്‍ വരുന്നത്.
വചനപ്രഘോഷകരുടെ രാജകുമാരന്‍ എന്ന വിശേഷണമുള്ള ഫാ. സേവ്യര്‍ ഖാന്‍ നയിക്കുന്ന ധ്യാനങ്ങളില്‍ ജനലക്ഷങ്ങളാണ് സംബന്ധിച്ച് ദൈവീകാനുഗ്രഹങ്ങള്‍ പ്രാപിക്കുന്നത്. അട്ടപ്പടി സെഹിയോന്‍ ധ്യാന കേന്ദ്രത്തോട് ചേര്‍ന്നാണ് യുകെ സെഹിയോന്‍ മിനിസ്ട്രി പ്രവര്‍ത്തിക്കുന്നത്. 2010 ഒക്ടോബറില്‍ ആരംഭിച്ച രണ്ടാംശനിയാഴ്ച കണ്‍വെന്‍ഷനില്‍ ഇപ്പോള്‍ ആയിരക്കണക്കിന് വിശ്വാസികളാണ് സംബന്ധിക്കുന്നത്.
സീറോ-മലബാര്‍ സഭ പ്രേഷിത വര്‍ഷമായി ആചരിക്കുന്ന ഈ വര്‍ഷത്തില്‍ ഫാ. സേവ്യര്‍ഖാന്‍ വട്ടായില്‍ വചന ശുശ്രൂഷ നവംബറില്‍ നയിക്കുമ്പോള്‍, യുകെ മലയാളി വിശ്വാസികളുടെ വിശ്വാസ ഐക്യദാര്‍ഡ്യം കൂടി ഉദ്‌ഘോഷിക്കുന്ന വേദിയാകും നോട്ടിങ്ങ്ഹാം. സെപ്തംബര്‍, ഒക്ടോബര്‍ മാസങ്ങളിലെ രണ്ടാം ശനിയാഴ്ച കണ്‍വെന്‍ഷന്‍ ബഫേല്‍ സെന്ററിലായിരിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല