നോര്‍ത്തേണ്‍ അയര്‍ലണ്ടില്‍ വി. അല്‍ഫോന്‍സാമ്മയുടെ തിരുനാളും വചനപ്രഘോഷണവും നാളെ മുതല്‍ മൂന്നു ദിവസങ്ങളിലായി അല്‍ഫോന്‍സാ കാത്തലിക്ക് കമ്മ്യൂണിറ്റിയുടെ ആഭിമുഖ്യത്തില്‍ ആഡംബരപൂര്‍വം ആഘോഷിക്കും. തിരുനാളിനോടനുബന്ധിച്ച് കോട്ടയം കാരിസ്ഭവനിലെ റവ.ഫാ. ഡിജോ കോയിക്കരയുടെ നേതൃത്വത്തില്‍ നാളെയും മറ്റന്നാളുമായി വചനപ്രഘോഷണവും 26ന് ഉച്ചകഴിഞ്ഞ് 2.30മുതല്‍ വി. അല്‍ഫോന്‍സാമ്മയുടെ നൊവേനയും സമൂഹബലിയും തിരുക്കര്‍മ്മങ്ങളും നടത്തപ്പെടും. റവ. ഫാ. മൈക്കിള്‍ ഓഡേയര്‍, റവ.ഫാ. ആന്റണി പെരുമായന്‍, റവ.ഫാ. ഡിജോ കോയിക്കര, റവ.ഫാ. ജോസഫ് കറുകയില്‍ എന്നിവര്‍ സമൂഹബലിക്ക് നേതൃത്വം നല്‍കും.
വിശുദ്ധിയുടെ മാദ്ധ്യസ്ഥം വഴി ദൈവാനുഗ്രഹങ്ങള്‍ പ്രാപിക്കുന്നതിനും വചനപ്രഘോഷണത്തിലും നൊവേനയിലും തിരുനാള്‍ തിരുക്കര്‍മ്മങ്ങളിലും സംബന്ധിക്കുവാനും ഏവരെയും സ്‌നേഹപൂര്‍വം ക്ഷണിക്കുന്നതായി സെന്റ് അല്‍ഫോന്‍സാ കാത്തലിക്ക് കമ്മ്യൂണിറ്റ് വേണ്ടി ഫാ. ജോസഫ് കറുകയില്‍ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല