സ്വന്തം ലേഖകൻ: ഇസ്‌ലാമിക പുതുവർഷത്തിന് കുവൈത്തിൽ നാല് ദിവസത്തെ നീണ്ട വാരാന്ത്യം. ഈ മാസം 19,20 തീയതികളിൽ അവധിയായിരിക്കുമെന്ന് മന്ത്രിതല സമിതി അറിയിച്ചു. 21നും 22നും വാരാന്ത്യ അവധിയുമാണ്.
മന്ത്രാലയങ്ങൾ, സ്ഥാപനങ്ങൾ, ഏജൻസികൾ, സർക്കാർ സ്ഥാപനങ്ങൾ എന്നിവ രണ്ട് ദിവസത്തെ ജോലി നിർത്തിവയ്ക്കും. ഇസ്‌ലാമിക കലണ്ടറിലെ ഒരു സുപ്രധാന സന്ദർഭമായ പുതിയ ഹിജ്റ വർഷം ആഘോഷിക്കാൻ ലഭിച്ച ഇടവേള വ്യക്തികൾക്ക് അവരുടെ കുടുംബത്തോടൊപ്പം ചെലവഴിക്കാനും മതപരമായ പ്രവർത്തനങ്ങളിൽ ഏർപ്പെടാനും ആഘോഷങ്ങളിൽ പങ്കുചേരാനും അനുവദിക്കും.
മന്ത്രാലയങ്ങൾ, സ്ഥാപനങ്ങൾ, ഏജൻസികൾ, സർക്കാർ സ്ഥാപനങ്ങൾ എന്നിവ 23ന് ജോലി പുനരാരംഭിക്കും. എന്നാൽ പ്രത്യേക തൊഴിൽ ആവശ്യകതകളുള്ള ഏജൻസികളുടെ അവധികൾ സംബന്ധിച്ച കാര്യങ്ങൾ അധികാരികൾ നിർണയിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല