സ്വന്തം ലേഖകന്‍: ഹൈദരാബാദില്‍ ടെസ്റ്റ് ഡ്രൈവിനെത്തിയ ആള്‍ ഓഡി കാറുമായി മുങ്ങി. ഡോക്ടറെന്ന് പരിചയപ്പെടുത്തി ഹൈദരാബാദിലെ സെക്കന്റ് ഹാന്‍ഡ് കാര്‍ വില്‍ക്കുന്ന ഷോറൂമില്‍ ടെസ്റ്റ് ഡ്രൈവിനെത്തിയ ആളാണ് ഔഡി കാറുമായി മുങ്ങിയത്.
അപ്പോള ആസ്പത്രിയില്‍ പ്രവര്‍ത്തിക്കുന്ന ഡോക്ടര്‍ ഗൗതം റെഡ്ഡിയെന്ന് പരിചയപ്പെടുത്തിയാണ് ഇയാള്‍ കാര്‍ ഷോറൂമില്‍ എത്തിയത്. ശ്രീനഗര്‍ കോളനിയിലെ കാര്‍ ഷോറൂമില്‍ പ്രത്യക്ഷപ്പെട്ട ഇയാള്‍ കാര്‍ വാങ്ങുവാനുള്ള താത്പര്യം അറിയിച്ചു.
തുടര്‍ന്ന് 25 ലക്ഷം രുപ വിലമതിപ്പുള്ള ഔഡി ക്യൂ 3 ടെസ്റ്റ് ഡ്രൈവ് നടത്തുവാന്‍ കൊണ്ടുപോകൂകയായിരുന്നു. ഇയാള്‍ക്ക് ഒപ്പം പോയ ഷോറൂം സ്റ്റാഫിനെ അപ്പോള ആസ്തപ്രിക്കു മുന്നില്‍ ഇറക്കിവിട്ട ശേഷം സുഹൃത്തുക്കളെ കാര്‍ കാണിച്ചിച്ച് വരാമെന്ന് പറഞ്ഞ് കാറുമായി ഇയാള്‍ അപ്രത്യക്ഷനായി.
കേസില്‍ അന്വേഷണം നടന്നുവരുകയാണെന്ന് പോലീസ് പറഞ്ഞു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല