പ്രസ്റണ്‍ സിറ്റിയിലും സമീപപ്രദേശങ്ങളിലുമുള്ള സുഹൃത്തുക്കളുടെ കൂട്ടായ്മയായ ഫ്രണ്ടസ് ഓഫ് പ്രസ്റന്റെ ഔപചാരികമായ ഉദ്ഘാടനത്തോടനുബന്ധിച്ച് നടത്തുന്ന ‘ഉദയം 2012 എന്നു പേരിട്ടിരിക്കുന്ന കലാ സന്ദ്യയുടെ ഒരുക്കങ്ങള്‍ പൂര്‍ത്തിയായി .മനോഹരമായി പുതുക്കി പണിത റോയല്‍ ബാങ്ക്വറ്റ് ഹാളി (old london road,labour club) ല്‍ വളരെ വൈവിദ്ധ്യപൂര്‍ണ്ണമായ പരിപാടികളോടെ അരങ്ങേറും.പൊന്‍പുലരി 2012 ന്റെ വിജയത്തിനുശേഷം പ്രസ്റണിലും സമീപപ്രദേശങ്ങളിലമുള്ള മലയാളികളുടെ സാമൂഹികവും, സാംസ്കാരികവും, പൈതൃകപരവുമായ ആവശ്യങ്ങള്‍ നിറവേറ്റുന്നതിനുവേണ്ടിയാണ് ഫ്രണ്ട്സ് ഓഫ് പ്രസ്റണ്‍ രജിസ്റര്‍ ചെയ്ത് നിലവില്‍ വന്നത്.
യുകെ സമൂഹത്തില്‍ പങ്കാളിയാകുകയും അതേ സമയം തന്നെ വ്യക്തിത്വം നിലനിര്‍ത്തുകയും ചെയ്യുക എന്നുള്ളത് ഏത് മലയാളികളുടെയും സങ്കല്‍പം ആണ്. അതിനുവേണ്ടി ലങ്കാഷെയര്‍ കൌണ്ടിയിലെ മറ്റു സാമൂഹിക, സാംസ്കാരിക സംഘടനകളുമായി യോജിച്ച് അവരുടെ അഭിപ്രായങ്ങള്‍ കൂടി സമന്വയിപ്പിച്ച് വ്യക്തമായ ഒരു കാഴ്ചപ്പാടോടെ സമഭാവനയോടു കൂടി മുന്നോട്ട് പോകുവാന്‍ ഫ്രണ്ട്സ് ഓഫ് പ്രസ്റണ്‍ സുസജ്ജമായിരിക്കുകയാണ്.‘ഉദയം 2012 ” ന്റെ 300 ഓളം ടിക്കെറ്റുകള്‍ ഇതിനോടകം വിറ്റു കഴിഞ്ഞു ഇതു തന്നെ പ്രിസ്റ്ന്‍ മലയാളികള്‍ ഈ കൂട്ടയിമ്മയെ രണ്ടു കയ്യും നീട്ടി സ്വീകരിച്ചിരിക്കുന്നു എന്നതിന്റെ ഏറ്റവും വലിയ തെളിവാണ് .കഴിഞ്ഞ കാലങ്ങളില്‍ മറ്റു മലയാളി കൂട്ടായിമ്മകള്‍ സ്ഥിരം കാണിച്ചു കൂട്ടുന്ന കോമാളിത്തരങ്ങള്‍ കണ്ട്‌ മനസ് മടുത്ത പ്രേസ്റ്ന്‍ മലയാളികളുടെ മനസിന്‌ കുളിര്‍മ്മ ഏകാന്‍ ഈ കലാ സന്ധ്യക്ക്‌ ആകും എന്ന പ്രതീക്ഷയിലാണ് ഇതിന്റെ പിന്നണി പ്രവര്‍ത്തകര്‍
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല