സ്വന്തം ലേഖകൻ: പണം പിരിക്കുന്നതിന് നിയന്ത്രണങ്ങളുമായി ഒമാൻ സാമൂഹിക വികസന മന്ത്രാലയം. നിമയം അനുസരിച്ച് മാത്രമേ പൊതുജനങ്ങളിൽ നിന്നും പണം പിരിക്കാൻ സാധിക്കുകയുള്ളു. കർശനമായ നീരക്ഷണം ആണ് സാമൂഹിക വികസന മന്ത്രാലയം രാജ്യത്ത് ഏർപ്പെടുത്തിയിരിക്കുന്നത്. എന്നാൽ രാജ്യത്തെ സ്റ്റേറ്റ് ഡ്മിനിസ്ട്രേറ്റീവ് വിഭാഗത്തിനും. സർക്കാർ കമ്മിറ്റികൾക്കും സ്ഥാപനങ്ങൾക്കും ഈ നിയമം ബാധകമല്ല.
രാജ്യത്ത് സ്വകാര്യ ധനസമാഹരണം കർശനമായി നിരോധിക്കാൻ ആണ് തീരുമാനിച്ചിരിക്കുന്നത്. എന്തെങ്കിലും ലക്ഷ്യങ്ങൾ നേടിയെടുക്കാൻ വേണ്ടി ഉണ്ടാക്കുന്ന പ്രത്യേക സമിതി, ജീവകാരുണ്യ പ്രവർത്തനങ്ങൾ ഇവക്കെല്ലാം പണം പിരിക്കണം എങ്കിൽ ഇനി ലെെസൻസ് ആവശ്യമാണ്. എന്നാൽ വ്യക്തികൾക്ക് പണം സ്വരൂപിക്കാൻ വേണ്ടി ലെെസൻസ് അനുവദിക്കില്ല.
സാമൂഹിക വികസന മന്ത്രാലയം കാര്യങ്ങൾ സൂക്ഷ്മമായി നിരീക്ഷിക്കുകയും അനുമതിയുള്ള എല്ലാ ധനസമാഹരണ പ്രവർത്തനങ്ങളും നിയമം പാലിക്കുന്നുണ്ടെന്ന് ഉറപ്പാക്കുന്നതിന് വേണ്ടി അംഗീകൃത ഓർഗനൈസേഷനുകളുമായി ഏകോപിപ്പിക്കുകയും ചെയ്യും. ഒരു വ്യക്തിക്കും സ്വതന്ത്രമായി ധനസമാഹരണത്തിലോ പ്രൊമോഷണൽ പ്രവർത്തനത്തിലോ ഏർപ്പെടാൻ അനുവദിക്കില്ല.
എന്നാൽ ചില വിഭാഗത്തിൽപ്പെടുന്ന വ്യക്തികൾക്ക് ഇളവ് ലഭിക്കും. അവർക്ക് അധികൃതരുമായി ബന്ധപ്പെട്ട് അനുമതി വാങ്ങിയ ശേഷം പണം പിരിക്കാം. മൊബൈൽ ആപ്പുകൾ, വെബ്‌സൈറ്റുകൾ, എസ്എംഎസ്, ഇലക്ട്രോണിക് പേയ്‌മെൻ്റ് സംവിധാനങ്ങൾ എന്നിവയുൾപ്പെടെ വിവിധ മാർഗങ്ങളിലൂടെ സ്ഥാപനങ്ങൾക്ക് ഫണ്ട് ശേഖരിക്കാം.
മന്ത്രാലയത്തിൻ്റെ മുൻകൂർ അനുമതിയോടെ മാത്രമേ ഇത് ചെയ്യാൻ സാധിക്കുകയുള്ളു. കായിക ഇവൻ്റുകൾ, സാമൂഹിക ഒത്തുചേരലുകൾ, എക്സിബിഷനുകൾ, ഇവൻ്റുകൾ, ജീവകാരുണ്യ പ്രവർത്തനങ്ങൾ, എന്നിവ നടത്തി പണരഹിത സംഭാവനകൾ ലഭിച്ചാൽ അത് പണമാക്കി മാറ്റാം.
പൊതു ലേലങ്ങൾ സംഘടിപ്പിച്ച് പണം പിരിക്കുന്നതിന് അനുവാദം വാങ്ങണം. ഇത്തരം ലേലങ്ങൾ സംഘടിപ്പിക്കുന്ന ചെലവ് സംഘാടകരിൽ നിന്ന് ഈടാക്കും. രണ്ട് ശതമാനത്തിൽ കൂടാത്ത ഒരു സംഖ്യയായിരിക്കണം ഈടാക്കേണ്ടത്. പരിപാടികൾ നടത്തുന്നുണ്ടെങ്കിൽ വിശദമായ വിവരങ്ങൾ അധികൃതരെ അറിയിക്കണം.
പരിപാടിക്ക് പ്രവേശന ടിക്കറ്റുകൾ ഉണ്ടെങ്കിൽ മേൽ നോട്ടം വഹിക്കാൻ ഒരു ടീമിനെ ഏൽപ്പിക്കണം. ഇവിടെ ഫണ്ട് ശേഖകരണം നടന്നിട്ടുണ്ടെങ്കിൽ രണ്ട് പ്രവൃത്തി ദിവസങ്ങൾക്കുള്ളിൽ അംഗീകൃത ബാങ്ക് അക്കൗണ്ടിലേക്ക് ഇത് മാറ്റണം. ഈ നടപടികൾ പാലിക്കാത്തവർക്ക് പിഴ മാത്രമല്ല, ചിലപ്പോൾ ലെെസൻസ് റദ്ദാക്കുകയും ചെയ്യും.
ഇനി ആപ്പുകൾ വഴിയോ വെബ്സെെറ്റ് വഴിയോ പണം പിരിക്കുമ്പോൾ ഈ കാര്യങ്ങൾ ശ്രദ്ധിക്കണം
- പരിപാടിയുടെ കാരാർ, ആപ്പ് , വെബ്സെെറ്റ് എന്നിവയുണ്ടാക്കിയ കരാർ എന്നിവ അധികൃതർക്ക് സമർപ്പിക്കണം.
- എന്തെല്ലാം പരിപാടികൾ ആണ് നടക്കുന്നത് എന്ന് അധികൃതരെ അറിയിക്കണം
- പണം പിരിക്കാനുള്ള സമയ പരിധി
- പണം ഇടേണ്ട ബാങ്ക് അക്കൗണ്ട് വിവിരങ്ങൾ വെബ്സെെറ്റിൽ നൽകിയിരിക്കണം.
- പണപിരിവ് നടന്നു കൊണ്ടിരിക്കുമ്പോൾ തീരുമാനം മാറ്റരുത്. സമയപരിധി കഴിഞ്ഞ ശേഷം, അധികൃതരുടെ അംഗീകാരത്തോടെ മാത്രമെ മറ്റു നടപടിയിലേക്ക് പോകാൻ പാടുള്ളു.
- പണം പിരിക്കുന്നത് അവസാനിപ്പിക്കുമ്പോൾ ബന്ധപ്പെട്ടവർ പെതുജനങ്ങളെ അറിയിക്കണം.
- കൂപ്പൺ വഴി പണം പിരിക്കുന്നവർ മാർഗ നിർദേശങ്ങൾ പാലിക്കണം
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല