ബോബന്‍ സെബാസ്റ്റ്യന്‍
ലണ്ടന്‍ : ഒളിമ്പിക്‌സ് മത്സരങ്ങള്‍ കാണുന്നതിനായി ലണ്ടനില്‍ എത്തിയ കേരള കായിക മന്ത്രി കെ.ബി.ഗണേഷ്‌കുമാറിനും സംഘത്തിനും ഗംഭീര സ്വീകരണം. മന്ത്രിയും സംഘവും രാത്രി എട്ടരയോടെ ഹീത്രു എയര്‍പോര്‍ട്ടില്‍ എത്തിച്ചേര്‍ന്നു. മന്ത്രിയെ സ്വീകരിക്കുന്നതിനായി വന്‍പിച്ച ജനാവലി എയര്‍പോര്‍ട്ടില്‍ എത്തിച്ചേര്‍ന്നിരുന്നു.
ഒ ഐസിസി ജോയിന്റ് കണ്‍വീനര്‍ കെ കെ മോഹന്‍ദാസിന്റെ നേതൃത്വത്തില്‍ നാഷണല്‍ കമ്മിറ്റി അംഗങ്ങള്‍ കല്ലമ്പലം ബിജു , സുജു ഡാനിയല്‍, ബിജു കോശി, റീജണല്‍ ഭാരവാഹികളായ സുനു ദത്ത്, ബേബി കുട്ടി ജോര്‍ജ്, മിച്ചം മഹേഷ്‌ , ബിജു കരിയില്‍, സുരേഷ് , ജോസി ജോര്‍ജ്, അനില്‍ കൊട്ടിയം, ടിബിന്‍ സുമലാല്‍ തുടങ്ങിയവര്‍ ചേര്‍ന്ന് മന്ത്രിക്കും കുട്ടര്‍ക്കും ഗംഭീര സ്വീകരണമാണ് നല്‍കിയത്.വോകിംഗ് കാരുണ്യ ചാരിറ്റബിള്‍ സൊസൈറ്റി അംഗങ്ങളുടെ നേതൃത്വത്തില്‍ പ്രസിഡന്റ്‌ ജെയിന്‍ ജോസഫ്‌ പൂച്ചെണ്ട് നല്‍കി മന്ത്രിയെ സ്വാഗതം ചെയ്തു.
ഒ.ഐ.സി.സി.യുടെ നേതൃത്വത്തില്‍ ഒളിമ്പിക്‌സില്‍ പങ്കെടുക്കുന്ന മലയാളി താരങ്ങള്‍ക്കും മന്ത്രി. കെ.ബി. ഗണേഷ്‌കുമാര്‍, പി.ടി. ഉഷ, ഷൈനിവില്‍സണ്‍ എന്നിവര്‍ക്കും തിങ്കളാഴ്ച ക്രോയിഡോണില്‍ സ്വീകരണം നല്‍കും. ക്രോയിഡോണില്‍ 1 കാംബല്‍റോഡിലെ ഒസ്‌വാള്‍ഡ് ഹൗസില്‍വച്ച് തിങ്കളാഴ്ച വൈകുന്നേരം ഏഴിനായിരിക്കും സ്വീകരണപരിപാടി. താരങ്ങള്‍ക്ക് സ്വീകണത്തോടൊപ്പം കാഷ് അവാര്‍ഡും നല്‍കുന്നതാണ്. ഇതോടനുബന്ധിച്ച് ഗാനമേളയും ഉണ്ടായിരിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല