ജനീവ:ആഗോളതൊഴിലാളി സംഘടനയുടെ(wto) ആസ്ഥാനത്തു പ്രവര്‍ത്തിക്കുന്നതിനാലാകണം നിശാസുന്ദരികളും സംഘടിക്കുന്നു. ഇവിടെയുള്ള 150 ഓളം വേശ്യകളാണ് തൊഴിലാളി സംഘടന രൂപീകരിക്കാനൊരുങ്ങുന്നത് സ്വിറ്റ്‌സര്‍ലന്റില്‍ ആദ്യമായാണ് ഇത്തരമൊരു സംഘടന. ആദ്യപടിയായി അടുത്തയാഴ്ച പൊതുയോഗം ചേരാന്‍ ഇവര്‍ തീരുമാനിച്ചുവെന്നും ലാ കുറിയര്‍ പത്രം റിപ്പോര്‍ട്ട് ചെയ്തു. ആണ്‍-പെണ്‍ വേശ്യകള്‍ സംഘടനയില്‍ പങ്കാളികലാകും. നിശാക്ലബുകള്‍ക്കു പേരുകേട്ട പാക്വിസിലെ വേശ്യകളാണ് സംഘടന രൂപീകരിക്കണമെന്ന ആശയം ആദ്യം മുന്നോട്ടുവച്ചത്.
രാജ്യത്ത് വേശ്യാവൃത്തിയില്‍ കഴിയുന്നവരുടെ താത്പര്യസംരക്ഷണമാണ് സംഘടനയുടെ ലക്ഷ്യം. വാടകകുറഞ്ഞ മുറികള്‍ ലഭ്യമാക്കുക, ഈ രംഗത്തെ അനാരോഗ്യകരമായ മത്സരം ഒഴിവാക്കുക, സുരക്ഷിതമായി ‘ജോലി’ ചെയ്യുന്നതിന് അവസരം ഉണ്ടാക്കുക തുടങ്ങിയവയാണ് മറ്റുലക്ഷ്യങ്ങള്‍. ജനീവയില്‍ 800 നും 900 ത്തിനും ഇടയില്‍ ആളുകള്‍ വേശ്യാവൃത്തിയില്‍ ഏര്‍പ്പെട്ടിട്ടുണ്ടെന്നാണ് കണക്കുകള്‍. ഇതില്‍ അഞ്ചുശതമാനംപേര്‍ പുരുഷന്മാരാണ്.
Thursday, November 14, 2024 22:52:01 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല