സാബു ചുണ്ടക്കാട്ടില്‍: കരുണയുടെ പുണ്യ കവാടം കടന്നുകൊണ്ട് പൂര്‍ണ്ണദണ്ഡ വിമോചനത്തിനായി ദൈവകരുണയുടെ അസാധാരണ ജൂബിലി വര്‍ഷത്തില്‍ ബ്രൈറ്റണ്‍ & അരുണ്‍ഡല്‍ രൂപതയിലെ വിശ്വാസികള്‍ സെപ്റ്റംബര്‍ 17 ന് ശനിയാഴ്ച ഔവര്‍ ലേഡി & സെന്റ് ഫിലിപ്പ് കത്തീഡ്രല്‍ പള്ളിയില്‍ ഒത്തുചേരുന്നു.
‘ഏറ്റവും ആത്മീയ ഒരുക്കത്തോടെ കുമ്പസാരിച്ച് പ്രസാദവരാവസ്ഥയില്‍ കരുണയുടെ വാതിലിലൂടെ ദേവാലയത്തില്‍ പ്രവേശിച്ച് വി. കുര്‍ബാനയും കുര്‍ബാന സ്വീകരണവും നടത്തി മാര്‍പ്പാപ്പയുടെ നിയോഗത്തിനായി പ്രത്യേകം പ്രാര്‍ത്ഥിക്കുകവഴി പൂര്‍ണ്ണ ദണ്ഡവിമോചനം സാദ്ധ്യമാകുന്നു’എന്നതാണ് കരുണയുടെ വര്‍ഷത്തില്‍ ഓരോ വിശ്വാസിക്കും ലഭിക്കുന്ന ഏറ്റവും വലിയ അനുഗ്രഹം..
കരുണയുടെ ദൈവപരിപാലനയെപ്പറ്റി ആത്മീയ അഭിഷേകംതുളുമ്പുന്ന വചന പ്രഘോഷണവുമായി പ്രശസ്ത ധ്യാനഗുരു റവ. ഫാ. സിറില്‍ ജോണ്‍ ഇടമന ,ഫാ ജോയി ആലപ്പാട്ട്,ഫാ .സജി,ഫാ .അനീഷ് എന്നിവര്‍ ധ്യാന ശുശ്രൂഷകള്‍ക്ക് നേതൃത്വംനല്‍കും.രാവിലെ 9.30 മുതല്‍ ആരംഭിക്കുന്ന ശുശ്രൂഷകള്‍ വൈകിട്ട് 4 ന് അവസാനിക്കും.ചാപ്ലയിന്‍ ഫാ. ജോയി ആലപ്പാട്ടിന്റെ നേതൃത്വത്തില്‍ കരുണയുടെകവാടം കടക്കല്‍ രൂപതയിലെ വന്‍ ആത്മീയ സംഗമമാക്കി മാറ്റുവാനുള്ള ഒരുക്കത്തിലാണ്. കരുണയുടെ അസാധാരണ ജൂബിലി വര്‍ഷത്തില്‍ നടക്കുന്ന ഈ അനുഗ്രഹീത ശുശ്രൂഷകളിലേക്ക് സംഘാടകര്‍ യേശുനാമത്തില്‍ ഏവരെയും ക്ഷണിക്കുന്നു…
സ്ഥലം;
Our Lady and St.Philip
Cathedral Church
London Road
Arundal
BN 18 9AY.
കൂടുതല്‍ വിവരങ്ങള്‍ക്ക്;
ബിജോയി ആലപ്പാട്ട് 07960000217.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല