സ്വന്തം ലേഖകൻ: ഹമാസിന്റെ ഇസ്രായേല്‍ ആക്രമണം ആഘോഷിക്കാന്‍ ആളുകള്‍ പ്രത്യക്ഷപ്പെടുന്നതായി റിപ്പോര്‍ട്ടുകള്‍ ലഭിച്ചതിനെത്തുടര്‍ന്ന് ലണ്ടനിലുടനീളം പോലീസ് പട്രോളിംഗ് വര്‍ദ്ധിപ്പിച്ചതായി മെട്രോപൊളിറ്റന്‍ പോലീസ് അറിയിച്ചു. തലസ്ഥാനത്ത് നടന്നുകൊണ്ടിരിക്കുന്ന ഇസ്രയേല്‍-ഗാസ സംഘര്‍ഷവുമായി ബന്ധപ്പെട്ട സംഭവങ്ങളില്‍ ചിലത് സോഷ്യല്‍ മീഡിയയില്‍ പങ്കുവെച്ചതായി തങ്ങളെ അറിയിച്ചതായി ഒരു പ്രസ്താവനയില്‍ സേന പറഞ്ഞു.
ഭീഷണിപ്പെടുത്തുന്ന പെരുമാറ്റം അനുഭവപ്പെടുകയോ അവരുടെ സുരക്ഷയെക്കുറിച്ച് ആശങ്കപ്പെടുകയോ ചെയ്യുന്ന ആര്‍ക്കും പോലീസുമായി ബന്ധപ്പെടാന്‍ പോലീസ് അഭ്യര്‍ത്ഥിച്ചു. ഹമാസ് ഇസ്രായേലിനെതിരെ ആക്രമണം നടത്തിയതിന് ശേഷം കൗണ്ട്ഡൗണ്‍ അവതാരക റേച്ചല്‍ റൈലി സോഷ്യല്‍ മീഡിയയില്‍ പോസ്റ്റ് ചെയ്ത വീഡിയോ പങ്കുവെച്ച ഇമിഗ്രേഷന്‍ മന്ത്രി റോബര്‍ട്ട് ജെന്റിക്ക് ഇടപെടാന്‍ മെറ്റിനോട് ആവശ്യപ്പെട്ടതിന് പിന്നാലെയാണ് പോലീസ് നടപടികല്‍ സ്വീകരിച്ചത്.
ആളുകള്‍ പലസ്തീന്‍ പതാകകള്‍ വീശുന്നതും കാറിന്റെ ഹോണ്‍ മുഴക്കുന്നതും കൈകൊട്ടുന്നതും കാണിക്കുന്ന ഒരു വീഡിയോ അവള്‍ പിന്നീട് പോസ്റ്റ് ചെയ്തു. മുമ്പ് ട്വിറ്റര്‍ എന്നറിയപ്പെട്ടിരുന്ന എക്സില്‍ റിലേയുടെ പോസ്റ്റ് ഷെയര്‍ ചെയ്ത ജെന്റിക്ക് ഇങ്ങനെ പറഞ്ഞു: ‘ഈ വെറുപ്പുളവാക്കുന്ന ആളുകള്‍ നിരോധിത സംഘടനയായ ഹമാസിന്റെ തീവ്രവാദ പ്രവര്‍ത്തനങ്ങളെ മഹത്വവത്കരിക്കുകയാണ്.യുകെയില്‍ ഇതിന് സ്ഥാനമില്ല. ‘പോലീസ് ഇത് ഗൗരവമായി എടുക്കുമെന്ന് ഞാന്‍ വിശ്വസിക്കുന്നു.’
മെറ്റിലെ മുതിര്‍ന്ന ഉദ്യോഗസ്ഥരുമായി താന്‍ ബന്ധപ്പെട്ടിരുന്നതായി ലണ്ടന്‍ മേയര്‍ സാദിഖ് ഖാന്‍ പറഞ്ഞു. മിഡില്‍ ഈസ്റ്റിലെ അക്രമങ്ങള്‍ ലണ്ടനില്‍ വിദ്വേഷ കുറ്റകൃത്യങ്ങളുടെ വര്‍ദ്ധനവിന് കാരണമാകുമെന്ന് തങ്ങള്‍ക്കറിയാമെന്നും അദ്ദേഹം എക്സില്‍ പോസ്റ്റ് ചെയ്തു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല