സ്വന്തം ലേഖകന്‍: ഹിജാബ് ധരിച്ച് പോണ്‍ ചിത്രത്തില്‍ അഭിനയിച്ച നടി മിയ ഖലീഫയുടെ തലവെട്ടുമെന്ന് ഇസ്ലാമിക് സ്റ്റേറ്റ് ഭീഷണി. മിയയെ തലവെട്ടി കൊല്ലുമെന്നാണ് ഭീഷണി. തല വെട്ടുന്നതിന്റെ ചിത്രം സഹിതമാണ് മിയക്ക് ഭീഷണി സന്ദേശം ലഭിച്ചത്. ട്വിറ്റര്‍ വഴിയാണ് ഭീഷണി സന്ദേശം ലഭിച്ചതെന്ന് ദി സ്‌പോര്‍ട്‌സ് ജങ്കീസ് എന്ന വെബ്‌സൈറ്റിന് നല്‍കിയ അഭിമുഖത്തില്‍ മിയ ഖലീഫ വെളിപ്പെടുത്തി.
ലബനീസ് അമേരിക്കന്‍ താരമായ മിയ ഖലീഫ പ്രമുഖ പോണ്‍ വെബ്‌സൈറ്റായ പോണ്‍ഹബിലെ മുന്‍ ഒന്നാം നമ്പര്‍ താരമാണ്. ബെയ്‌റൂട്ടില്‍ ജനിച്ച് 2000ത്തില്‍ യുഎസില്‍ കുടിയേറിയ മിയ ഖലീഫ 2014 പോണ്‍ സിനിമകളില്‍ അഭിനയിച്ച് തുടങ്ങിയത്. 2014 മുതല്‍ 2017 വരെ അവര്‍ പോണ്‍ സിനിമകളില്‍ അഭിനയിച്ചിരുന്നു. ഹിജാബ് ധരിച്ച് മിയ ഒരു പോണ്‍ വീഡിയോയില്‍ അഭിനയിച്ചത് വിവാദമായിരുന്നു.
തീവ്രവാദികള്‍ക്ക് വേണ്ടത് നല്‍കാനോ അവരെ തൃപ്തിപ്പെടുത്തുന്ന വിധത്തില്‍ പ്രവര്‍ത്തിക്കാനോ തനിക്കാവില്ലെന്നും താരം അഭിമുഖത്തില്‍ തറപ്പിച്ച് പറയുന്നു. ഹിജാബ് ധരിച്ച് സെക്‌സിലേര്‍പ്പെടുന്ന മിയയുടെ നീലച്ചിത്രങ്ങള്‍ക്ക് ലെബനണ്‍, തുര്‍ക്കി എന്നിവ ഒഴിച്ചുള്ള എല്ലാം മുസ്ലിം രാജ്യങ്ങളും വിലക്കേര്‍പ്പെടുത്തിയിരുന്നു. ഇന്നും ലോകത്ത് ഏറ്റവുമധികം ആളുകള്‍ ഇന്റര്‍നെറ്റില്‍ തിരയുന്ന പോണ്‍ താരമാണ് മിയ.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല