ബിന്‍സു ജോണ്‍
സ്വാന്‍സി: സ്വാന്‍സി മലയാളി അസോസിയേഷന്റെ ഓണാഘോഷത്തോടനുബന്ധിച്ചുള്ള സ്‌പോര്‍ട്‌സ് ഡേയും സ്വാതന്ത്ര്യ ദിനാഘോഷവും ആഗസ്റ്റ് 19 ഞായറാഴ്ച രാവിലെ 9.30 മുതല്‍ വൈകുന്നേരം 5 വരെ നടത്തുവാന്‍ തീരുമാനിച്ചു. ഗോവെര്‍ടന്‍ ക്രിക്കറ്റ് ക്ലബ് മൈതാനത്ത് വച്ച് ദേശീയ പതാക വന്ദനത്തോടെ ആരംഭിക്കുന്ന ചടങ്ങില്‍ കുട്ടികള്‍ക്കും മുതിര്‍ന്നവര്‍ക്കുമായി വിവിധ കായിക മത്സരങ്ങള്‍ ഉണ്ടായിരിക്കുന്നതാണ്. പതിവ് കായികയിനങ്ങള്‍ക്ക് പുറമേ ആവേശോജ്ജ്വലമായ ക്രിക്കറ്റ് മത്സരവും അന്ന് തന്നെ നടത്തുന്നതായിരിക്കും.
മത്സര വിജയികള്‍ക്ക് സെപ്തംബര്‍ ഒന്നാം തീയതി നടത്തുന്ന ഓണാഘോഷ ചടങ്ങില്‍ വച്ച് സര്‍ട്ടിഫിക്കറ്റുകളും സമ്മാനങ്ങളും വിതരണം ചെയ്യുന്നതാണ്. കായിക മത്സരങ്ങളില്‍ പങ്കെടുക്കുന്നതിനായി പേര്‍ രജിസ്റ്റര്‍ ചെയ്യുവാന്‍ ബാക്കിയുള്ളവര്‍ എത്രയും വേഗം ഭാരവാഹികളുമായി ബന്ധപ്പെടേണ്ടതാണ്. മത്സര ദിവസം കുട്ടികള്‍ക്ക് വിനോദത്തിനായി ബൗണ്‍സി കാസില്‍ പോലുള്ള സംവിധാനങ്ങളും ഐസ്‌ക്രീം, സ്‌നാക്‌സ് തുടങ്ങിയവ ലഭിക്കുന്നതിനുള്ള സൗകര്യങ്ങളും ഉണ്ടായിരിക്കുന്നതാണ്.
മത്സരവേദിയുടെ അഡ്രസ് താഴെ കൊടുത്തിരിക്കുന്നു. കൂടുതല്‍ വിവരങ്ങള്‍ക്ക് അസോസിയേഷന്‍ പ്രസിഡന്റ് ടോമി ജോസഫിനെയോ സെക്രട്ടറി ബിജു വിതയത്തിലിനെയോ ബന്ധപ്പെടാവുന്നതാണ്.
Gowerton Cricket Club,
Victoria Road, Gowerton,
Swansea SA4 3AB
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല