അണ്ടര്‍ 19 ലോകകപ്പ് ക്രിക്കറ്റ് കിരീടം ഇന്ത്യയുടെ യുവതാരങ്ങള്‍ നേടി. ടൂര്‍ണമെന്റില്‍ ഇതുവരെ തോല്‍വി അറിയാതിരുന്ന ഓസ്ട്രേലിയയെ ആറു വിക്കറ്റിനാണ് ഫൈനലില്‍ ഇന്ത്യയുടെ ചുണക്കുട്ടികള്‍ തോല്‍പ്പിച്ചത്. ജയസാധ്യത മാറിമറിഞ്ഞ കളിയില്‍ സെഞ്ചുറിയോടെ ഇന്ത്യയുടെ വിജയത്തിനു ചുക്കാന്‍ പിടിച്ചത് ക്യാപ്റ്റന്‍ ഉമുക്ത് ചന്ദിന്റെ ബാറ്റിങ്ങാണ്.
ആദ്യ മല്‍സരത്തില്‍ തന്നെ തോല്‍വി ഏറ്റുവാങ്ങിയ ഇന്ത്യയാകട്ടെ പിന്നീട് ദുര്‍ബലരായ രണ്ടു ടീമുകള്‍ക്കെതിരായ വിജയവുമായാണ് മുന്നേറിയത്. സെമിയില്‍ പിന്നീട് ന്യൂസീലന്‍ഡിനെതിരെ ആവേശ വിജയം നേടിയിരുന്നു. നാലു വട്ടം അണ്ടര്‍ – 19 ലോകകപ്പില്‍ കടന്ന ഇന്ത്യയ്ക്കിത് മൂന്നാം വട്ടമാണ് കിരീടം ലഭിക്കുന്നത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല