സ്വന്തം ലേഖകൻ: ഭാര്യ ഇന്‍സ്റ്റഗ്രാമില്‍ പങ്കുവച്ച യോഗാക്ലാസ് വീഡിയോയില്‍ നഗ്നനായി പ്രത്യക്ഷപ്പെട്ട് സി‌എൻ‌എൻ അവതാരകന് ക്രിസ് ക്യൂമോ. തന്റെ പോഷ് ഹാംപ്ടണിലെ വീട്ടില്‍ വച്ചാണ് ക്രിസിന്‍റെ ഭാര്യ ക്രിസ്റ്റീന ഗ്രീവന്‍ ക്യൂമോ യോഗ ക്ലാസെടുക്കുന്ന വീഡിയോ പകര്‍ത്തിയത്. ഈ വീഡിയോയുടെ ബാക്ക്ഗ്രൗണ്ടില്‍ അബദ്ധത്തില്‍ നഗ്നനായി ക്രിസ് പ്രത്യക്ഷപ്പെടുകയായിരുന്നു.
ഭാര്യയ്ക്കും മൂന്ന് മക്കൾക്കുമൊപ്പമാണ് ന്യൂയോർക്ക് ഗവർണർ ആൻഡ്രൂ ക്യൂമോയുടെ ഇളയ സഹോദരന്‍ കൂടിയായ ക്രിസ് കൊറോണ കാലം ചിലവഴിക്കുന്നത്. ഇൻസ്റ്റാഗ്രാമിൽ അപ്‌ലോഡ് ചെയ്‌തതിന് തൊട്ടുപിന്നാലെ തന്നെ അദ്ദേഹം നഗ്നനായി പ്രത്യക്ഷപ്പെട്ട വീഡിയോ നീക്കം ചെയ്തിരുന്നു. എന്നാല്‍, വീഡിയോയുടെ സ്ക്രീന്‍ഷോട്ടുകള്‍ പ്രച്ചരിപ്പിച്ചതോടെയാണ് സംഭവം വാര്‍ത്തയായത്.
ക്യാമറയില്‍ തന്റെ പിന്‍ഭാഗം കാണിച്ചാണ് യുവാവ് വീഡിയോയില്‍ പ്രത്യക്ഷപ്പെട്ടിരിക്കുന്നത്. കൊറോണ വൈറസ് കാലത്ത് വീട്ടിലിരുന്ന് തന്നെ തന്റെ ബ്രോഡ്കാസ്റ്റിംഗ് ജോലികള്‍ ക്രിസ് ചെയ്ത് വരികയാണ്‌. താന്‍ കൊറോണ ബാധിതനാണെന്ന് മാര്‍ച്ച്‌ 31നു ക്രിസ് അറിയിച്ചിരുന്നു. ഇതിനു പിന്നാലെയാണ് മാസ്ക് ധരിക്കാതെ പുറത്തിറങ്ങിയ ക്രിസിന്‍റെ വീഡിയോ സമൂഹ മാധ്യമങ്ങളില്‍ വൈറലായത്.
ക്യുമോ പ്രൈംടൈം എന്ന പ്രസിദ്ധമായ ഷോയുടെ അവതാരകനായ ക്രിസ് നിരവധി വിവാദങ്ങള്‍ക്ക് തിരികൊളുത്തിയ വ്യക്തി കൂടിയാണ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല