സ്വന്തം ലേഖകൻ: സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാനും ജപ്പാന്‍ പ്രധാനമന്ത്രി ഫ്യൂമിയോ കിഷിദയും ചര്‍ച്ച നടത്തി. ജിദ്ദയിലെ അല്‍ സലാം കൊട്ടാരത്തില്‍ കിഷിദയെ മുഹമ്മദ് രാജകുമാരന്‍ സ്വീകരിച്ചു. പ്രോട്ടോകാള്‍ പ്രകാരമുള്ള ഔദ്യോഗിക സ്വീകരണ ചടങ്ങുകളും ജാപ്പനീസ് പ്രധാനമന്ത്രിക്കായി ഒരുക്കിയിരുന്നു.
ഉഭയകക്ഷി ബന്ധങ്ങള്‍, സാമ്പത്തിക, വാണിജ്യ, നിക്ഷേപ, സാംസ്‌കാരിക മേഖലകളിലെ സഹകരണം, സൗദി-ജാപ്പനീസ് വിഷന്‍ 2030 അനുസരിച്ച് സഹകരണം വര്‍ധിപ്പിക്കുന്നതിനുള്ള വഴികള്‍ എന്നിവയെക്കുറിച്ച് ഇരുവരും ചര്‍ച്ച നടത്തി. പ്രാദേശികവും അന്തര്‍ദേശീയവുമായ നിരവധി വിഷയങ്ങളെക്കുറിച്ചുള്ള കാഴ്ചപ്പാടുകളും ഇക്കാര്യത്തില്‍ നടത്തിയ ശ്രമങ്ങളും ഇരുരാഷ്ട്ര നേതാക്കളും അവലോകനം ചെയ്തു.
ചര്‍ച്ചകള്‍ക്ക് ശേഷം, കിരീടാവകാശി ജാപ്പനീസ് പ്രധാനമന്ത്രിയുടെ സാന്നിധ്യത്തില്‍ ജാപ്പനീസ് കമ്പനി മേധാവികളുമായും ബിസിനസ്സ് ഉടമകളുമായും കൂടിക്കാഴ്ച നടത്തി. സന്ദര്‍ശനത്തിലും കിരീടാവകാശിയുമായുള്ള കൂടിക്കാഴ്ചയിലും ജാപ്പനീസ് പ്രധാനമന്ത്രി കിഷിദ സന്തോഷം പ്രകടിപ്പിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല