സ്വന്തം ലേഖകൻ: കുവൈത്ത് -ബെംഗളൂരു സെക്ടറില്‍ ബജറ്റ് വിമാന സര്‍വീസുമായി ജസീറ എയർവേയ്‌സ്. വ്യാഴം, ശനി ദിവസങ്ങളിൽ വൈകീട്ട് 6 ന് കുവൈത്തില്‍ നിന്ന് പുറപ്പെടുന്ന വിമാനം രാത്രി 1:15 ന് ബെംഗളൂരുവില്‍ ഇറങ്ങും. തിരികെ പുലര്‍ച്ചെ 2 ന് ബെംഗളൂരുവില്‍ നിന്ന് പുറപ്പെട്ട് 4:50 ന് കുവൈത്തില്‍ എത്തും. ആഴ്ചയില്‍ രണ്ട് സര്‍വീസുകളാണ് ഷെഡ്യൂള്‍ ചെയ്തിരിക്കുന്നത് .
നിലവില്‍ ഇന്ത്യയിലെ ഏഴ് നഗരങ്ങളിലേക്കാണ് ജസീറ സര്‍വീസ് നടത്തുന്നത് . ജസീറ എയർവേയ്‌സിന്റെ ഹെഡ് ഓഫീസിൽ നടന്ന ചടങ്ങിൽ ഇന്ത്യൻ എംബസി ഫസ്റ്റ് സെക്രട്ടറി ഡോ. വിനോദ് ഗെയ്‌ക്‌വാദ് ഉത്ഘാടനം നിര്‍വ്വഹിച്ചു. ജസീറ എയർവേസ് അധികൃതരും വിവിധ സംഘടന പ്രതിനിധികളും ചടങ്ങില്‍ പങ്കെടുത്തു.
അതിനിടെ അനധികൃതമായി രാജ്യത്ത് താമസിക്കുന്നവര്‍ക്കും നിയമവിരുദ്ധ പ്രവര്‍ത്തനങ്ങളില്‍ ഏര്‍പ്പെടുന്നവര്‍ക്കുമായി കുവൈത്തില്‍ നടക്കുന്ന പരിശോധനകള്‍ തുടരുന്നു. ഒക്ടോബര്‍ 22 മുതല്‍ 28 വരെ സുരക്ഷാ വിഭാഗങ്ങള്‍ നടത്തിയ പരിശോധനയില്‍ ആയിരക്കണക്കിന് പ്രവാസികളാണ് അറസ്റ്റിലായത്. പൊതു സുരക്ഷാ വിഭാഗം മയക്കുമരുന്ന്, മദ്യം എന്നിവയുടെ ഉപയോഗം, അവ കൈവശം വയ്ക്കല്‍ എന്നിവയുമായി ബന്ധപ്പെട്ട് 773 പേര്‍ അറസ്റ്റിലായി. ഇവരെ ഡ്രഗ് കണ്‍ട്രോള്‍ ജനറല്‍ അഡ്മിനിസ്ട്രേഷനിലേക്ക് റഫര്‍ ചെയ്തതായി അധികൃതര്‍ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല