ജോയ് ഗോപുരന്‍
കേരള അസോസിയേഷന്‍ സ്റ്റഫോര്‍ഡ് കമ്മറ്റിയുടെ നേതൃത്വത്തില്‍ ജുലൈ 7 ശനിയാഴ്ച ചെസ്റ്റര്‍ സൂവിലേക്ക് നടത്തിയ ഫാമിലി ടൂര്‍ കുട്ടികള്‍ക്കും മുതിര്‍ന്നവര്‍ക്കും അക്ഷരാര്‍ത്ഥത്തില്‍ ആവേശമായി.നല്ല കാലാവസ്ഥയും ഒപ്പം യാത്രചെയ്തിരുന്നവര്‍ക്ക് സൂവിലേക്കുള്ള എന്‍ട്രി ടിക്കറ്റുകള്‍ നേരത്തെ തന്നെ ഓണ്‍ലൈന്‍ വഴി ബുക്ക് ചെയ്തതും എടുത്തുപറയേണ്ടതാണ്. ബസില്‍ അംഗങ്ങള്‍ ഗ്രൂപ്പ് തിരിഞ്ഞ് അന്താക്ഷരി കളിച്ചത് കുട്ടികള്‍ക്ക് കൗതുകമായി. ചെസ്റ്റര്‍ സൂവില്‍ മൃഗങ്ങളെ കണ്ടത് അംഗങ്ങള്‍ക്ക് നല്ല അനുഭവമായി.
എല്ലാ തിരക്കുകളില്‍ നിന്നും മാറി ടൂര്‍ വിജയകരമാക്കാന്‍ സഹായിച്ച എല്ലാവര്‍ക്കും പ്രസിഡന്റ് ജോയ് ഗോപുരന്‍ നന്ദി പറഞ്ഞു. പുതുമയുള്ള പ്രോഗ്രാമുകളുമായി സംഘടന ശക്തമായി മുന്നോട്ട് പോകുമെന്നും അദ്ദേഹം അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല