ടണ്‍ബ്രിഡ്ജ് വെല്‍സ്: കെന്റിലെ ടണ്‍ബ്രിഡ്ജ് വെല്‍സ് മലയാളികളുടെ കൂട്ടായ്മയായ ‘സഹൃദയ ദി വെസ്റ്റ് കെന്റ് കേരളൈറ്റ്‌സ്’ സംഘടിപ്പിച്ചിട്ടുള്ള ഓള്‍ യുകെ വടം വലി മത്സരം സെപ്തംബര്‍ 13 ന് നടക്കുന്നു. ഇംഗ്ലണ്ടിന്റെ വിവിധഭാഗങ്ങളില്‍ നിന്നുള്ള വടംവലിക്കാരുടെ ആവേശോജ്ജ്വലമായ പോരാട്ടം പൂന്തോട്ട നഗരിയായ കെന്റിലെ ടണ്‍ബ്രിഡ്ജ് വെല്‍സില്‍ നടക്കാന്‍ ഇനി വെറും ദിവസങ്ങള്‍ മാത്രം. ചങ്കൂറ്റത്തിന്റെയും ശക്തിയുടെയും ഒത്തൊരുമ, മലയാളിയുടെ ഓണക്കളികളിലെ പ്രധാന ഇനം, ആവേശം പകരുന്ന ആര്‍പ്പുവിളികളും കുരവച്ചാര്‍ത്തുമായി ഇംഗ്ലണ്ടിന്റെ കായിക ചരിത്രത്തില്‍ ഇടംപിടിച്ച് പ്രകമ്പനം കൊള്ളിക്കുമ്പോള്‍ അതിനു സാക്ഷിയാകാന്‍ ഏവരെയും ക്ഷണിക്കുന്നു.
രാവിലെ പത്തു മണിക്ക് രജിസ്‌ട്രേഷനാരംഭിക്കും. കൃത്യം പതിനൊന്നു മണിക്ക് ആദ്യ വിസില്‍ മുഴങ്ങുമ്പോള്‍ യുകെ മലയാളികളുടെ വടംവലി മാമാങ്കത്തിന്റെ കേളികെട്ടുയരും. ആവേശത്തിന്റെ കൊടുമുടികള്‍ കീഴടക്കുന്ന പ്രകമ്പനങ്ങള്‍ യുകെയുടെ വിവിധഭാഗങ്ങളില്‍ നിന്നുള്ള കായിക പ്രേമികളുടെ ആര്‍പ്പുവിളികളുമായി കൂടിച്ചേര്‍ന്ന് ഇംഗ്ലണ്ടിന്റെ പൂന്തോട്ട നഗരിയെ കീഴടക്കുന്നതിനു സാക്ഷിയാകാന്‍ സഹൃദയ എല്ലാവരെയും ക്ഷണിക്കുന്നു. കുട്ടികള്‍ക്ക് വേണ്ടി ബൗണ്‍സി കാസില്‍, സ്ലൈഡുകള്‍ തുടങ്ങിയ ഉല്ലാസങ്ങളും ചുരുങ്ങിയ നിരക്കിലെ ഭക്ഷണവും ഒരുക്കിയിട്ടുണ്ട് അതിനോടൊപ്പം പാര്‍ക്കിംഗ് സൌജന്യവുമാണ്.
സമ്മാനത്തുക: ഒന്നാം സമ്മാനം: 701 പൌണ്ടും ട്രോഫിയും
രണ്ടാം സമ്മാനം: 301 പൌണ്ടും ട്രോഫിയും
മൂന്നാം സമ്മാനം: 101 പൌണ്ടും ട്രോഫിയും
പങ്കെടുക്കുന്ന എല്ലാ ടീമുകള്‍ക്കും പ്രോത്സാഹന സമ്മാനവും ഉണ്ടായിരിക്കുന്നതാണ്.
വടംവലി മത്സരത്തിന്റെ വേദിയുടെ വിലാസം:
Longmead Stadium,
Darenth Avenue,
Tonbridge
TN10 3JF
പേരു രജിസ്ടര്‍ ചെയ്യാത്തവരുണ്ടെങ്കില്‍ ഇന്നോ നാളെയോ ആയി അവസരം ചോദിക്കാവുന്നതാണ്. ഒന്നോ രണ്ടോ ടീമുകളെ കൂടി ഉള്‍ക്കൊള്ളിക്കാന്‍ കഴിഞ്ഞേക്കും.
എല്ലാ മത്സരങ്ങളും വീഡിയോ റെക്കോര്‍ഡ് ചെയ്ത് ടീമുകള്‍ക്ക് ആവശ്യമെങ്കില്‍ നല്കുന്നതിനുള്ള സൌകര്യവും സഹൃദയ ഒരുക്കിയിട്ടുണ്ട്. മലനാട് ടെലിവിഷനിലൂടെ മത്സരങ്ങളുടെ സംപ്രേക്ഷണം ഉണ്ടായിരിക്കുന്നതാണ്. തീപ്പൊരി ചിതറുന്നത്ര ആവേശം നിറഞ്ഞു നില്ക്കുന്ന ഈ മഹത്തായ കായിക മമാങ്കം കാണാനും ആസ്വദിക്കാനും പ്രസിഡന്റ് ജോഷി സിറിയക്കിന്റെ നേതൃത്വത്തിലുള്ള സഹൃദയ ദി വെസ്റ്റ് കെന്റ് കേരളൈറ്റ്‌സ് എല്ലാ കായികപ്രേമികളെയും ടണ്‍ബ്രിഡ്ജ് വെല്‍സിലേയ്ക്ക് ഹാര്‍ദ്ദവം ക്ഷണിക്കുന്നു.
കൂടുതല്‍ വിവരങ്ങള്‍ക്ക് ബന്ധപ്പെടുക. ജോഷി സിറിയക്: 07958236786, സേവ്യര്‍ ഫ്രാന്‍സീസ്: 07897641637, ആല്‍ബര്‍ട്ട് ജോര്‍ജ്ജ്: 07794394520, ബിജു ചെറിയാന്‍: 07577006662 ഇമെയില്‍: sahrudaya.uk@gmail.com
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല