സ്വന്തം ലേഖകൻ: നരബലിക്കേസിൽ അറസ്റ്റിലായ മൂന്നു പ്രതികളേയും പൊലീസ് കസ്റ്റഡിയിൽ വിട്ടു. എറണാകുളം ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയാണ് ഈ മാസം 24 വരെ പ്രതികളെ കസ്റ്റഡിയിൽ വിട്ടത്. ഭഗവൽ സിങ്, ഭാര്യ ലൈല, ഷാഫി എന്നിവരെയാണ് കസ്റ്റഡിയിൽ വിട്ടത്.
അതേസമയം, മനുഷ്യമാംസം ഭക്ഷിച്ചുവെന്ന ആരോപണം പ്രതികൾ നിഷേധിച്ചു. കോടതിയിൽ ഹാജരാക്കാൻ കൊണ്ടു വരുമ്പോൾ കാക്കനാട് ജില്ലാ ജയിൽ പരിസരത്തു‌വച്ച്, മാധ്യമപ്രവർത്തകരുടെ ചോദ്യത്തിന് മറുപടിയായാണ് മാംസം ഭക്ഷിച്ചില്ലെന്ന് പറഞ്ഞത്.
അതിനിടെ നരബലിക്കേസിൽ പൊലീസിനെതിരെ കോടതിയിൽ ആരോപണം ഉയർത്തി പ്രതികളുടെ അഭിഭാഷകൻ. നരബലി നടത്തിയെന്നും മനുഷ്യമാംസം ഭക്ഷിച്ചെന്നും മൊഴി നൽകാൻ പൊലീസ് നിർബന്ധിച്ചതായാണ് പ്രതികൾക്കായി ഹാജരായ അഭിഭാഷകൻ കോടതിയിൽ ഉയർത്തിയ വാദം. പ്രതികളെ മാപ്പു സാക്ഷിയാക്കാം എന്നു വാഗ്ദാനം നൽകി മറ്റുള്ളവർക്കെതിരെ മൊഴി നൽകാൻ നിർബന്ധിച്ചതായും അഭിഭാഷകൻ കോടതിയിൽ വാദിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല