ബിനോയി കിഴക്കനടി.
ഷിക്കാഗോ: ഓഗസ്റ്റ് 30 ഞായറാഴ്ച, ഷിക്കാഗോ സേക്രഡ് ഹാര്‍ട്ട് ഫൊറോനായില്‍ മതബോധന വിദ്യാര്‍ത്ഥികള്‍ക്കായുള്ള പുതിയ അധ്യയന വര്‍ഷം ആരംഭിച്ചു. 9.45 ന് ഫൊറോനാ വികാരി വെരി റെവ. ഫാ. എബ്രാഹം മുത്തോലത്ത് കാര്‍മികനായുള്ള വിശുദ്ധ ബലിക്കുശേഷം, ഡി. ര്‍. ഇ. റ്റോമി കുന്നശ്ശേരിയുടെ നേത്ര്യുത്വത്തിലുള്ള എല്ലാ അധ്യാപകരേയും ആദരിക്കുകയും, അവരെ പ്രാര്‍ത്ഥനകള്‍ ചൊല്ലി ആശീര്‍വദിക്കുകയും ചെയ്തു. തുടര്‍ന്ന് ഈ വര്‍ഷം മതബോധനത്തിനു ചേര്‍ന്ന എല്ലാ കുട്ടികളേയും അനുമോദിക്കുകയും, ആശീര്‍വദിക്കുകയും ചെയ്തു.
കഴിഞ്ഞ ഏതാനും വര്‍ഷങ്ങളില്‍ ഡി. ര്‍. ഇ. യായി സുത്യര്‍ഹമായി സേവനം അനുഷ്ടിച്ച സാബു മുത്തോലത്തിനെ, ബഹുമാനപ്പെട്ട മുത്തോലത്തച്ചനും എക്‌സിക്കൂട്ടീവും ചേര്‍ന്ന് ഗിഫ്റ്റ് നല്‍കി ആദരിക്കുകയും, ചെയ്ത എല്ലാ പ്രവര്‍ത്തനങ്ങള്‍ക്കും നന്ദി പറയുകയും ചെയ്തു. തുടര്‍ന്ന് പുതിയ ഡി. ര്‍. ഇ. യായി ചാര്‍ജ്ജ് എടുത്ത റ്റോമി കുന്നശ്ശേരിക്ക് എല്ലാ മംഗങ്ങള്‍ നേരുകയും ചെയ്തു,
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല