യുകെയില്‍ ആദ്യമായി നടക്കുന്ന കോതമംഗലം സംഗമംത്തില്‍ പങ്കെടുക്കാന്‍ ടി യു കുരുവിളയും, ഇസ്മയേല്‍ റാവൂത്തറും എത്തി. കഴിഞ്ഞ ദിവസമാണ് ഇവര്‍ യുകെയില്‍ എത്തിയത്. വിമാനത്താവളത്തില്‍ ഇരുവര്‍ക്കും സ്നേഹാദരമായ സ്വാഗതം നല്‍കി. കോതമംഗലം സംഗമത്തിന് വേണ്ടി ഷോയി കുര്യാക്കോസ് ബൊക്ക നല്‍കി ഇവരെ സ്വീകരിച്ചു. ഇവരോടൊപ്പം ദുബായിലെ എറണാകുളം പ്രവാസി സംഘടന നേതാവ് എബി ബേബിയും ഉണ്ടായിരുന്നു.
കോതമംഗലം MLA യാണ് ശ്രീ ടി യു കുരുവിള. കേരള സര്‍ക്കാര്‍ പ്രവാസി സംരംഭമായ നോര്‍ക്ക – റൂട്സ് ഡയറക്ടര്‍ ആണ് കോതമംഗലം ആയവന സ്വദേശിയായ ശ്രീ ഇസ്മയേല്‍ രാവൂത്തര്‍.
ഇരുവരും ബര്‍മിംഗ്ഹാമില്‍ നടക്കുന്ന കോതമംഗലം സംഗമത്തിന്റെ വിശിഷ്ട അതിഥികള്‍ ആണ്.
ഓഗസ്റ്റ്‌ 30 വ്യാഴാഴ്ചയാണ് ബര്‍മിംഗ്ഹാമില്‍ കോതമംഗലം സംഗമം നടക്കുക. രാവിലെ 10 മണിക്ക് ആരംഭിക്കുന്ന സംഗമം രാത്രി 8 മണി വരെ നീളും. കുട്ടികള്‍ക്കും മുതിര്‍ന്നവര്‍ക്കും ഉള്ള വിവിദ പരിപാടികളും, ഓണസദ്യയും പരിപാടികള്‍ക്ക് കൊഴുപ്പേകും. വൈകുന്നേരം നടക്കുന്ന സമ്മേളനവും തുടര്‍ന്ന് നടക്കുന്ന ഗാനമേളയും വന്‍ വിജയമാക്കാന്‍ എല്ലാ കോതമംഗലം നിവാസികളെയും ക്ഷണിക്കുന്നു.
വേദി : ACKERS ADVENTURE, Golden Hillock Road, Sparkbrook, Birmingham B11 2PY
കൂടുതല്‍ വിവരങ്ങള്‍ക്ക് : ഷോയി കുര്യാക്കോസ് 07709037035
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല